Obama, Merkel ilǝ telefonla danışıb

ABŞ prezidenti Barack Obama, Almaniya kansleri Angela Merkel ilǝ dünǝn telefonla danışıb.
Ukraynadakı son vǝziyyǝtdǝn danışan iki lider, Rusiyaya gǝrginliyi azaltması üçün bir daha çağırış edib.
Ağ Evdǝn verilan açıqlamada bildirilib ki, Obama vǝ Merkel, atǝşkǝs vǝ yol xǝritǝsilǝ yanaşı, Avropa Tǝhlükǝsizlik vǝ Əmǝkdaşlıq Tǝşkilatı nǝzdindǝ qurulacaq keçid mǝntǝqǝlǝrinǝ nazǝrǝt işlǝrinǝ Moskvanın dǝstǝk olmasını müzakirǝ ediblǝr.
Moskvanın bu günǝ qǝdǝr atması lazım olan addımları atmadığı barǝdǝ hǝmfikir olan liderlǝrin, Moskvaya yönǝldilmiş sanksiyalar üçün koordinasiyalı hǝrǝkǝt edǝcǝklǝri dǝ bildirilib.
İran ilǝ davam edǝn nüvǝ müzakirǝlǝrdǝn dǝ danışan Obama vǝ Merkel, bu mövzuda irǝlilǝyiş olmasına baxmayaraq önǝmli fikir ayrılıqlarının hǝlǝ dǝ davam etdiyini dilǝ gǝtiriblǝr.
Açıqlamada, rǝsmi Tehranın nüvǝ proqramının sülh mǝqsǝdli olduğu barǝdǝ ümum ictimaiyyǝtǝ zǝmanǝt vermǝk üçün lazımi addımları atmasının vacibliyi dǝ xatırladılıb.
Liderlǝrin, ABŞ ilǝ Almaniya arasında kǝşfiyyat sahǝsindǝki ǝmǝkdaşlığa dair fikir mübadilǝsi etdiklǝri, Obamanın bu mövzuda ǝmǝkdaşlığı güclǝndirmǝk istǝdiyini dilǝ gǝtirdiyi dǝ bildirilib.