Xarici mətbuat, 2 iyun 2021

“Al-Quds Al-Arabi”: Bir İsrail veb saytının yazdığına görə, rəsmi Vaşinqton Netanyahunun İrana hücum etməsindən qorxaraq İsrail müdafiə naziri Benni Qantzı (Benny Gantz) ABŞ-a çağırdı.

“Al-Dustour” (İordaniya): Fələstin Xarici işlər nazirliyi "Qeyri-qanuni  məskunlaşmaları dayandırmaq, qarşıdurmanı həll etmək rəsmi Vaşinqton üçün gerçək bir imtahan xüsusiyyəti daşıyır" deyə bildirib.

“Deutsche Welle”: Egey - rəsmi Ankara və Afina qarşıdurmasız bir yay istəyir.

“Süddeutsche Zeitung”: Almaniya NATO büdcəsinin artırılması planlarını dəstəkləyir.

“Frankfurter Allgemeine Zeitung”: Rusiya müxalifət başçısı Andrey Pivovarov həbs olundu.

“Le Soir” (Belçika): Avropa səhiyyə sertifikatı (peyvənd pasportu)  belçikalılar üçün səyahətləri asanlaşdıracaq telefon tətbiqi “covidsafe.be” 17 iyundan etibarən istifadəyə hazırdır.

“Le Monde”: Əlcəzair 15 aydır bağlı qalan sərhədlərini qismən açır.

“Le Figaro”: Terrorla mübarizə qanun layihəsi Fransa parlamentinin fövqəladə vəziyyətdən irəli gətirən tədbirlərini qalıcı edir.

“El Pais” (İspaniya): Aparılan bir araşdırma orta və ya yüngül dərəcədə belə “Covid-19” keçirmiş adamlarda həyatları boyu antikor olacaqlarını ortaya qoyub.  

“El Mundo” (İspaniya): Mərakeş üzərindən gələn yüzlərlə adam yenidən Seutadakı (Ceuta) İspaniya sərhədinə axışdı.

“El Nacional” (Venezuela): Kolumbiyada koronavirusa qarşı edilən peyvənd sayı 10 milyonu keçdi.

TASS: Rusiya dövlət texnologiya şirkəti “Rostehin” idarə heyətinin (CEO) sədri Sergey Çemezov Avropa və ABŞ tərəfindən Rusiyaya qarşı tətbiq olunan sərt sanksiyaları müharibəyə bənzətdi.

“Lenta.ru”: Rusiyanın dövlət borcu 20 trilyon rubla yaxınlaşdı.

“Kommersant”: Sudan torpaqlarındakı Rusiya hərbi bazası ilə əlaqədar müqaviləni yenidən nəzərdən keçirəcəyini bildirdi.