Xarici mәtbuat
Gündəm xarici media vasitələrində.
![Xarici mәtbuat](http://cdn.trt.net.tr/images/xlarge/rectangle/e17d/052d/5d74/57e8c21f2c540.jpg?time=1718854736)
Qәtәr, Al Jezeera: Türkiyənin dövlət başçısı Rəcəb Tayyib Ərdoğan İraqın Kərkük şəhərində ikinci bir bayrağın (IKBY) asılmasını yanlış hesab edir. Türkiyәnin Zonguldak şəhərində ictimai açılış mərasimində etdiyi çıxışında Rәcәb Tayyib Ərdoğan bildirib ki: "Oradakı o bayrağın sahibləri bunu bilsinlər ki, separatçılıq edirlər. Mən İraq Regional Kürd Muxtariyyətinə səslənirəm: “Bu səhvdən təcili geri dönün".
Türkiyə dövlət başçısı bunu da bildirib ki: “Biz buradan xəbərdarlıq edirik. Çünki “Kərkük kürdlərindir” cəfəngiyatını biz Türkiyə olaraq qəbul etmirik. Kərkük türkmənin, ərəbin, kürdün – hamısınındır. O bayraqlarınızı təcili endirin’’.
Fransa, AFP: Türkiyənin dövlәt başçısı Rəcəb Tayyib Ərdoğan çərşənbə günü Rusiya prezidenti Vladimir Putinlə telefon әlaqәsi saxlayıb. Telefon danışığı zamanı Rәcәb Tayyib Әrdoğan rusiyalı hәmkarına Suriyada hәyata keçirilәn kimyəvi hücumun insanlıq cinayәti olduğunu vә sülh prosesini təhlükə altına aldığını söylәyib.
Rәcәb Tayyib Әrdoğan bu cür hücumların qəbuledilməz olduğunu bildirib. Tәrәflәr atəşkəsin davam etməsi üçün birgə səylərin davam etdirilməsinin vacibliyini vurğulayıblar.
Almaniya, Berliner Morgenpost: Dünyanın ən böyük tur operatoru TUI-nin sədri Fridrix Joussen ‘‘Berliner Morgenpost’’a müsahibə verib.
F. Joussen "Almaniyalı turistlәr üçün ən keyfiyyәtli vә ucuz istirahət imkanını hansı ölkә tәmin edir? sualını belә cavablandırıb: "Türkiyə turizm sahәsindә liderdir. Türkiyədә Aralıq dənizi sahillərindә yerlәşәn otellər qızılı qumlu çimərliklərə malikdir, suyun şəffaflığı vә otel әmәkdaşlarının qonaqpərvərliyi, xidmәt sәviyyәsi diqqәtlәri cәlb edir’’
Әlaqәli Xәbәrlәr
![Xarici mətbuat, 27 avqust 2021](http://cdn.trt.net.tr/images/medium/rectangle/b2fc/13ea/caac/5dc1146e588bb.jpg?time=1718854736)
Xarici mətbuat, 27 avqust 2021
Dünya informasiya vasitələrində gündəmə dair dərc olmuş xəbərlərdən başlıqlar