Xarici mәtbuat
Gündəm xarici media vasitələrində:
![Xarici mәtbuat](http://cdn.trt.net.tr/images/xlarge/rectangle/7c73/f479/cc73/583d234b392e8.jpg?time=1718522073)
Avstriya, Wiener Zeitung: Türkiyәnin dövlət başçısı Rəcəb Tayyib Ərdoğan Türk siyasətçilərin seçki kampaniyası ilә bağlı toplantılarını lәğv edәn Almaniyanın ‘‘Nasist’’ metodları tətbiq etdiyini söyləyib.
Ankara Almaniyada qeydiyyatda olan Türkiyә vәtәndaşlarına konstitusiya dәyişiklikliyi ilә bağlı mәlumat vermәk istәyir. Almaniya isə müxtəlif bəhanələr uyduraraq buna imkan vermir. Mütəxəssislər Almaniyanın bu mövqeyinin Avropaya zərər verəcəyini düşünür. Çünki Türkiyə ilə aparılan gərgin dialoq Türkiyә ilә Avropa İttifaqı arasında әldә olunan miqrasiya müqavilәsini təhlükəyə ata bilər. İkinci qaçqın böhranını qarşısını almaq yalnız Almaniya üçün әhәmiyyәtli deyil, bütün Avropanı maraqlandırır.
Rusiya, Sputnik: Türkiyә Silahlı Qüvvәlәrinin Baş Qәrargah rәisi Hulusi Akarın dәvәti ilә ABŞ-ın Baş Qәrargah rәisi , general Cozef Dunford və Rusiya Baş Qərargah rəisi, general Valeriy Gerasimovun iştirakı ilə Antalyada keçirilən üçlütәrәfli görüşdə Türk tərəfi terror tәşkilatı PKK-nın davamı PYD/YPG-yә verilәn dәstәyә görә narahatlığını bildirib.
Görüşdә Hulusi Akar Suriyanın ərazi bütövlüyünün qorunmasının vacibliyini vurğulayıb. Menbiçin hәqiqi sahiblәrinә geri qaytarılmasının әhәmiyyәtinә toxunan Hulusi Akar Menbiçdә hər kəsin bayraq dalğalandırmasının doğru yanaşma olmadığını vurğulayıb.
İran, İRNA: Türkiyәnin dövlət başçısı Rəcəb Tayyib Ərdoğanın bu hәftә Rusiyaya edəcəyi səfəri çәrçivәsindә müzakirә olunacaq mәsәlәlәrdәn biri dә S-400 hava müdafiə sisteminin Ankaraya satılması proqramı olacaq. Rusiya bu məsələyə müsbәt yanaşır. Rәcәb Tayyib Ərdoğanın baş mәslәhәtçisi İlknur Çevik də Türkiyə ilә Rusiya prezidentlәri arasında keçirilәcәk görüşdә ticarәt sahәsindә әmәkdaşlıq, turizm, nüvә enerji stansiyasının inşası, S-400 hava müdafiə sistemi kimi mәsәlәlәrin müzakirә olunacağını bildirib.
Әlaqәli Xәbәrlәr
![Xarici mətbuat, 27 avqust 2021](http://cdn.trt.net.tr/images/medium/rectangle/b2fc/13ea/caac/5dc1146e588bb.jpg?time=1718522073)
Xarici mətbuat, 27 avqust 2021
Dünya informasiya vasitələrində gündəmə dair dərc olmuş xəbərlərdən başlıqlar