Xarici mәtbuat
Gündəm xarici media vasitələrində:
İspaniya, ABC: "Terrorçular törәtdiklәri hücuma görә ağır cavab verәcәklәr’’
Türkiyәnin dövlәt başçısı Rəcəb Tayyib Ərdoğan İstanbulda törәdilәn iki terror hücumu nәticәsindә şәhid olan bәzi polis әmәkdaşlarının dәfn mәrasimlәrinә qatılıb. Rәcәb Tayyib Әrdoğan jurnalistlәrә verdiyi açıqlamada: ‘‘Terrorçular törәtdiklәri hücuma görә ağır cavab verәcәklәr. Terrorçulara boyun əyməyəcəyik’’ deyib.
Şəhid olan polis әmәkdaşlarının dəfn mərasimində hökumət rəsmiləri də iştirak edib. Daxili işlər naziri Süleyman Soylu bildirib ki: "Şәhidlәrin qanı yerdə qalmayacaq’.
ABŞ, Associated Press:"Qərb dünyası terror təşkilatı PKK-nı dəstəkləməkdən imtina etsin’’
Türkiyәnin DİN rәhbәri Süleyman Soylu terror təşkilatı PKK tərəfindən İstanbulda həyata keçirilən bombalı hücum sәbәbiylә PKK-nı və Qərbdəki müttəfiqlərini sərt şəkildə tənqid edib. Süleyman Soylu xain hücumun arxasındakı PKK-ya reaksiya göstərərək: "Bəzi qaranlıq qərb tərəfdaşlarınızın xidmətçisi və qatili olmaqdan savayı bir şey әldә edә bildinizmi’’ deyib.
İngiltərə, Reuters:" 3 partiyadan terror hücumuna qarşı birgə bәyanat’’
Hakimiyyətdəki Ədalət və İnkişaf Partiyası muxalifәtdәki Cümhuriyyət Xalq Partiyası vә Milliyyətçi Hərəkat Partiyası bazar günü (dünən) yaydıqları birgə bəyanatla təhlükəsizlik qüvvələrini və terrorla mübarizələrini sonadәk dəstəklədiklərini açıqladılar. Bәyanat hücumdan bir gün sonra verilib. İstanbuldakı xain terror hücumundan sonra Dövlət başçısı Rəcəb Tayyib Ərdoğanın rəhbərliyində Təhlükəsizlik Şurasının yığıncağı keçirilib.
Dövlәt başçısı Әrdoğan verdiyi açıqlamada, hökumətin terrorla mübarizəsinin sonuna qədər davam edəcəyini deyib.
Rusiya, Ria Novosti: "Türkiyənin Suriyadakı antiterror əməliyyatları davam edir"
Türkiyәyә aid döyüş təyyarələri ‘‘Fərat Qalxanı’’ әmәliyyatı çәrçivәsindә 24 saat ərzində Suriyanın şimalında terror təşkilatı DEAŞ-ın 12 üzvünü mәhv edib.
Türkiyə Hәrbi Hava Qüvvələrinin Әl- Bab və ətraflarındakı bölgəlәrdә hәyata keçirdiyi hava әmәliyyatı nәticәsindә DEAŞ-a aid 21 bina, sığınacaq, qərargah, hərbi vasitələr və silah-sursat anbarı məhv edilib.
Әlaqәli Xәbәrlәr
Xarici mətbuat, 27 avqust 2021
Dünya informasiya vasitələrində gündəmə dair dərc olmuş xəbərlərdən başlıqlar