ABŞ əsgərləri terrorçularla birgə silahlı təlim keçirib

Suriyada separatçı terror təşkilatı PKK/YPG-nin silahlı təlimlərini davam etdirən ABŞ ordusu Haseke vilayətinin şimal-şərqindəki Kamışlı rayonunda terrorçularla birgə silahlı təlim keçirib.

Yerli mənbələrdən əldə edilən məlumata görə, ABŞ əsgərlərinin onlarla PKK/YPG terrorçusu ilə birlikdə Kamışlıda keçirdiyi təlim avqustun 15-17-də baş tutub.

Birgə silahlı təlimdə zenit silahları, ABŞ istehsalı “Bradley” zirehli döyüş maşınları və müxtəlif ağır silahlardan istifadə olunub.

Qeyd edək ki, ABŞ Ordusu separatçı terror təşkilatı PKK/YPG-yə Hasəkənin Əbdüləziz dağındakı bazalarında və Deyr əz-Zor vilayətindəki əl-Ömər və Koniko neft yataqlarında tez-tez hərbi təlimlər keçirir.