Rusiya və Ukrayna ombudsmanları Türkiyedə görüşməyi planlaşdırır

Rusiya və Ukrayna ombudsmanları yanvarın 12-14-də Türkiyedə görüşməyi planlaşdırır.

Bu barədə Rusiya Federasiyasının İnsan Hüquqları üzrə Müvəkkili Tatyana Moskalkova məlumat verib.

Moskalkova bildirib ki, Türkiyedə keçiriləcək foruma müxtəlif ölkələrdən çox sayda ombudsman qatılacaq.

''Biz belə bir görüşü planlaşdırırıq. Görüşün mümkünlüyünü və danışıqlarımızın mümkün aparıcı gündəliyini müzakirə edirik”,-deyə Tatyana Moskalkova bildirib.

Ukrayna parlamentinin insan haqları üzrə komissarı Dmitro Lubinets də Türkiyedə Rusiya tərəfi ilə görüşün planlaşdırıldığını bildirib.