Rusiya MN Ukraynadakı əməliyyatları ilə bağlı bəyanat yayıb
Rusiya Müdafiə Nazirliyi Ukraynanın Lviv vilayətində Polşadan göndərilən xaricdə istehsal olunan silah və sursatların yerləşdiyi bazanın məhv edildiyini bildirib.
![Rusiya MN Ukraynadakı əməliyyatları ilə bağlı bəyanat yayıb](http://cdn.trt.net.tr/images/xlarge/rectangle/70d8/cb50/0872/62ea65de3c760.jpg?time=1718470882)
Rusiya Müdafiə Nazirliyi Ukraynanın Lviv vilayətində Polşadan göndərilən xaricdə istehsal olunan silah və sursatların yerləşdiyi bazanın məhv edildiyini bildirib.
Nazirliyin sözçüsü İqor Konaşenkov Rusiya-Ukrayna müharibəsində Rusiya ordusunun əməliyyatları ilə bağlı məlumat paylaşıb.
İqor Konaşenkov bəyan edib ki, Ukrayna ordusunun 81-ci Aviasiya Briqadasının Ukraynanın Donetsk vilayətindəki müvəqqəti mövqelərinə hücum nəticəsində 50-dən çox əsgər və 6 hərbi maşın məhv edilib.
“Lviv vilayətinin Radehiv qəsəbəsi yaxınlığında, Polşadan Kiyev administrasiyasına gələn xaricdə istehsal olunan silah və sursatların saxlanıldığı baza uzaqmənzilli yüksək dəqiqlikli raketlərlə məhv edilib”,-deyə o qeyd edib.
Rusiya ordusunun Ukraynadakı hərbi ünsürlərə hücumlarını davam etdirdiyinə diqqət çəkən Konaşenkov son 24 saatda 3 idarə mərkəzi, 4 sursat anbarı və yanacaq çəninin məhv edildiyi məlumatını paylaşıb.
Rusiya müdafiə sistemləri tərəfindən 5 pilotsuz uçuş aparatının vurulduğunu və 2 ədəd “Uraqan” çoxlüləli reaktiv yaylım atəşi raketinin ələ keçirildiyini qeyd edən Rusiya sözçüsü deyib:
“Bu günə qədər Ukraynaya məxsus 261 təyyarə, 145 helikopter, 1669 pilotsuz uçuş aparatı, 361 hava hücumundan müdafiə raket sistemi, 4 min 231 tank və zirehli texnika, 782 çoxlüləli reaktiv yaylım atəşi sistemi, 3 min 242 haubitsa və minaatan, 4 min 676 şəxsi hərbi texnika vasitəsi məhv edilib”.
Әlaqәli Xәbәrlәr
![Gürcüstan vətəndaşlarının “Covid-19” cərimələrini siləcək](http://cdn.trt.net.tr/images/medium/rectangle/517b/643c/c38a/665eaf5f2c8b8.png?time=1718470882)
Gürcüstan vətəndaşlarının “Covid-19” cərimələrini siləcək
Bu barədə Gürcüstanın Baş naziri İrakli Kobaxidze məlumat verərək deyib ...