Zelenski: "Qələbə üçün hər şeyi edirik"

Ukrayna prezidenti Vladimir Zelenski Avropanın Rusiyaya qarşı sanksiyalarla bağlı “qətiyyətsizliyinə” dözə bilmədiyini söyləyib.

Zelenski videobağlantı vasitəsilə İrlandiya parlamentinə müraciət edib.

Rusiyanın gecə saatlarında Ukraynaya yenidən zərbələr endirdiyini deyən Zelenski Rusiya qüvvələrinin insanların dolanışığını təmin etdiyi hər şeyi hədəfə aldığını bildirib.

Zelenski qeyd edib ki, Rusiya kənd təsərrüfatı yükləri daşıyan gəmilərin ixrac üçün limanlardan çıxmasına icazə vermir. Ukrayna ixracda dünyanın aparıcı qida tədarükçülərindən biridir. Söhbət təkcə aclıqdan və ya aclıq təhlükəsindən getmir. Ərzaq qıtlığı olacaq, qiymətlər qalxacaq.

Rusiyanın Ukraynaya müstəmləkə ordusu kimi daxil olduğunu bildirən Zelenski Avropanın Moskvaya qarşı sanksiyalarla bağlı qərarsızlığına reaksiya verib.

Ukrayna prezidenti “Ukraynada başımıza gələn bütün hadisələrdən sonra, Rusiya qoşunlarının etdiyi hər şeydən sonra mən heç bir qərarsızlığa dözə bilmirəm” deyib.

Zelenski bəzi Avropa şirkətlərinin hələ də Rusiya bazarlarını tərk etmədiyini və onları razı salmağın vacibliyini bildirib:

"Biz hələ də xarici siyasətçiləri inandırmalıyıq ki, Rusiya banklarının qlobal maliyyə sistemi ilə əlaqələrini kəsməliyik. Hələ də Rusiya neftinin Rusiya hərbi maşınlarını yeni maliyyə mənbələri ilə dəstəkləməməsinin lazım olduğuna qane etməliyik". 

İrlandiyanı səylərinə görə tərifləyən və anti-müharibə koalisiyasında daha çox liderlik göstərməyi xahiş edən Zelenski Dublin administrasiyasını Avropa İttifaqını (Aİ) müharibəni dayandırmaq üçün daha sərt sanksiyalar tətbiq etməyə inandırmağa çağırıb.

Ukrayna prezidenti Volodimir Zelenski deyib ki, Rusiyaya qarşı sanksiyalar Buça şəhərindəki müharibə cinayətləri ilə balanslı olmalıdır.

Zelenski "Telegram" hesabında yayımladığı videomüraciətdə Rusiyanın fevralın 24-də Ukraynaya qarşı başladığı müharibə ilə bağlı açıqlamalar verib.

Rusiyaya qarşı yeni sanksiyalar paketinin hazırlandığını vurğulayan Zelenski Rusiya ordusunun Buçada ukraynalılara işgəncə verdiyini bildirib:

"Dünya Buçada baş verənləri gördükdən sonra Rusiyaya qarşı sanksiyalar işğalçıların törətdiyi hərbi cinayətlərin ağırlığına uyğun olmalıdır. Bundan sonra Rusiya bankları adi qaydada işləyə bilsələr, mallar Rusiyaya göndərilməyə davam edər. Avropa İttifaqı (Aİ) ölkələri Rusiyaya enerji resursları üçün pul ödəməyə davam edərsə, o zaman bəzi liderlərin siyasi sərvətləri əvvəlki kimi inkişaf etməyəcək”. 

Ukrayna ordusunun Rusiya hərbi birləşmələrinin girməyə çalışdığı ərazilərə nəzareti əlində saxladığını bildirən Ukrayna prezidenti ölkəsinin Donbas və Xarkov vilayətlərində vəziyyətin ağır olduğunu bildirib.

Rusiya ordusunun Ukrayna Silahlı Qüvvələrindən daha çox əsgər və texnikaya malik olduğunu qeyd edən Ukrayna lideri bildirib ki, Rusiya hakimiyyəti hərbi məktəblərdən tələbələri orduya cəlb etməyə çalışır.

Ukrayna əsgərlərinin döyüşməyə davam edəcəyini vurğulayan Zelenski deyib:

"Başqa seçimimiz yoxdur. Torpağımızın, xalqımızın taleyi müəyyənləşdirilir. Biz nə üçün mübarizə apardığımızı bilirik və qələbə üçün hər şeyi edirik".