Litva və Rusiya arasında səfir gərginliyi

Litvanın xarici işlər naziri Qabrielius Landsbergis Rusiya səfirindən ölkəni tərk etməsinin istəndiyini açıqlayıb. Rusiya Xarici İşlər Nazirliyinin sözçüsü Mariya Zaxarova qərara cavab verəcəyini açıqlayıb.
Landsbergis "Twitter" hesabında Litvanın Rusiya səfirinin ölkəni tərk etməsi qərarını açıqlayıb.

Qabrielius Landsbergis ayrıca Litvanın Ukraynadakı səfirinin Kiyevə qayıdacağını bəyan edib.

Litvada martın 3-də Rusiya Səfirliyi binasının yerləşdiyi küçəyə “Ukrayna qəhrəmanları küçəsi” adı veriləcəyi barədə məlumat yayılmışdı.

Rusiya Xarici İşlər Nazirliyinin sözçüsü Mariya Zaxarova Litvanın Rusiyanın Vilnüsdəki səfirinin ölkəni tərk etməsini istəməsi qərarına cavab verəcəklərini bildirib.

Zaxarova yazılı açıqlamasında Litvanın bu gün "Rusiya ilə diplomatik əlaqələrin səviyyəsini aşağı salmaq" qərarına gəldiyini bildirib.

"Litva administrasiyasının bu son dərəcə düşməncəsinə hərəkətləri ikitərəfli münasibətləri məhv etmək məqsədi daşıyır. Litva tərəfi buna görə tam məsuliyyət daşıyır. Buna qarşı tədbirlər ən qısa zamanda elan ediləcək", - Zaxarova bildirib.