Zelenski İstanbulda baş tutan danışıqları müsbət dəyərləndirib

Ukrayna prezidenti Vladimir Zelenski fevralın 24-də ölkəsinə müharibə elan edən Rusiya ilə İstanbulda aparılan danışıqları müsbət qiymətləndirib.

Rusiya-Ukrayna müharibəsinin 34-cü günü ilə bağlı açıqlama verən Zelenski iki ölkə müzakirə heyətlərinin İstanbulda baş tutan görüşünü dəyərləndirib.

İstanbuldakı danışıqları müsbət hesab etdiyini bildirən Zelenski "Danışıqlar platformasından aldığımız siqnalları müsbət adlandırmaq olar. Lakin bu siqnallar Rusiya silahlarını susdurmur. Ukrayna Silahlı Qüvvələri və müdafiədə iştirak edən hər kəs bu gün sağ qalmağımızın yeganə qarantıdır. Dağıtmağa davam edən dövlətin nümayəndələrinin sözlərinə etibar etmək üçün heç bir səbəb görmürəm" deyib.