İranda güclü zǝlzǝlǝ qeydǝ alınıb

İranın qǝrbindǝki Qǝrbi Azǝrbaycan ǝyalǝtinin Xoy qǝsǝbǝsindǝ 5,9 bal gücündǝ zǝlzǝlǝ baş verib.

Bu barǝdǝ Tehran Universitetinin Seysmoloji Xidmǝtindǝn verilǝn mǝlumatda qeyd olunub. Mǝlumata görǝ, yeraltı tǝkanlar yerli vaxtla saat 09.22-dǝ qeydǝ alınıb.

Zǝlzǝlǝnin ocağı yerin 6 kilometr dǝrinliyindǝ yerlǝşib. Zǝldǝlǝ nǝticǝsindǝ 75 nǝfǝr yaralanıb, çox sayda tikiliyǝ ciddi ziyan dǝyib.

Zǝlzǝlǝ Türkiyǝnin Van şǝhǝrindǝ dǝ hiss olunub. Şǝhǝrdǝki bǝzi tikililǝrin dağıldığı bildirilir. Tǝbii fǝlakǝt nǝticǝsindǝ Vanda 3-ü uşaq olmaqla 9 nǝfǝr hǝlak olub, 50 nǝfǝr dǝ xǝsarǝt alıb. Xǝsarǝt alanlardan 2-nin vǝziyyǝti kritikdir.

Bu barǝdǝ Türkiyǝnin daxili işlǝr naziri Süleyman Soylu mǝlumat verib. Süleyman Soylu bölgǝdǝ axratış-xilasetmǝ ǝmǝliyyatlarının aparıldığını qeyd edib.

Van valisi Mehmet Emin Bilmǝz dağıntılar altında heç kimim qalmadığını deyib.

Qeyd edǝk ki, Türkiyǝ prezidenti Rǝcǝb Tayyib Ərdoğan da tǝbii fǝlakǝtlǝ bağlı Süleyman Soyludan mǝlumat alıb.

Türkiyǝ prezidentinin kömǝkçisi Fuad Oqtay da Denizlidǝ verdiyi açıqlamada  bildirib ki, zǝlzǝlǝ nǝticǝsindǝ dağıntılar altında qalan olmayıb. Fuad Oqtay axtarış-xilasetmǝ ǝmǝliyyatlarının dayandırıldığını deyib.

Fuad Oqtay zǝlzǝlǝ nǝticǝsindǝ hǝlak olanlara Allahdan rǝhmǝt, xǝsarǝt alanlara şǝfa dilǝyib vǝ hǝlak olanların ailǝlǝrinǝ dǝrin hüznlǝ başsağlığı verib.