İraqda terror aktı nəticəsində 5 nəfər ölüb

İraqın Tikrit şəhərində minalanmış avtomobilin partlaması nəticəsində 5 nəfər həlak olub, 16 nəfər yaralanıb.

Bu barədə İraqın təhlükəsizlik orqanlarının mətbuat xidməti məlumat yayıb.

"Səlahəddin əyalətinin Tikrit şəhərinin Atıbba küçəsində minalanmış avtomobilin partladılması ilə törədilən terror aktı 5 vətəndaşın ölümünə səbəb olub, 16 nəfər yaralanıb", - deyə mətbuat xidmətinin müdiri Numan əl-Cuburi bildirib.

Hadisə ilə əlaqəli istintaqa başlandığını qeyd edən Cuburi hücumun məsuliyyətini hələ üzərinə götürən olmadığını, ancaq son vaxtlarda  ölkədə hücumlarını artıran terror təşkilatı DEAŞ-ın məsul olduğunu deyib.

İraqlı hərbi məsullar 2017-ci ilin dekabr ayında DEAŞ-ın ölkədəki hərbi mövcudluğunun böyük nisbətdə sona çatdığını elan etməsinə baxmayaraq təşkilata məxsus sabit qruplar arabir Mosul, Səlahəddin, Ənbar və Kərkükdə təhlükəsizlik qüvvələri və mülki vətəndaşları hədəf götürən hücumlar həyata keçirir.