İsrail əsgərləri bir fələstinlini şəhid etdilər

 Qəzzadakı Səhiyyə Nazirliyinin sözçüsü Əşrəf əl-Kudra  Deyr əl-Bəlah şəhərinin şərqində keçirilən "Böyük Qayıdış Yürüşü" aksiyalarında bir fələstinlinin İsrail əsgərlərinin açdığı atəş nəticəsində şəhid olduğunu bildirdi.
 
 Xatırladaq ki, fələstinlilər martın 30-dan bu yana mühasirədə olan Qəzza zolağının İsrail sərhədində "Böyük Qayıdış Yürüşü" adı altında dinc aksiyalar keçirirlər.
 
 İsrail əsgərləri isə sürgün edildikləri torpaqlarına qayıtmağı və 2006-cı ildən etibarən Qəzzanın qeyri-qanuni mühasirəsinin aradan qaldırılmasını  tələb edən dinc əhalinin üzərinə həqiqi güllələrlə atəş açırlar.
 
 İsrail əsgərlərinin martın 30-dan bu günədək davam edən dinc aksiyalara müdaxiləsi nəticəsində 200-dən artıq fələstinli şəhid olub.