Dəməşqdə bir-birinin ardınca partlayışlar baş verdi

  Suriyanın paytaxtı Dəməşqdə Mezzeh hərbi bazasında bir-birinin ardınca partlayışlar baş verib.

  Bir tərəfdən partlayışlara raket hücumlarının yol açdığı bildirilir. İngiltərə mərkəzli Suriya İnsan Hüquqları Müşahidə Mərkəzinin yaydığı məlumata görə isə partlayışlar İsrailin hava hücumlarından qaynaqlanıb, ölü və yaralılar var.

  Suriya rəsmi mediası isə partlayışların İsrailin törətdiyilə bağlı yazılanları təkzib edir, onların hərbi baza yaxınlığındakı ərazidə elektrik sistemində yaranan qısaqapanmadan meydana gəldiyini bildirir.