İraqın həm sünni, həm də şiə qolu birlikdə rədd cavabı verdilər

   Koalisiyanın şiə qolunun yaydığı xəbərə görə, “Koalisiya rəhbəri Ammar Həkim İraq Məclis sədri Səlim Cuburinin başçılıq etdiyi Sünni Qüvvələr Birliyi nümayəndə heyətini qəbul edib. Tərəflər birlikdə keçirilməsi planlaşdırılan referendumu rədd etdiklərini açıqladılar."  

  Şiə və sünni koalisiyaları həmçinin Bağdadla Ərbil arasında da dialoqa yenidən başlanması fikri barədə söhbət ediblər.   

  Xatırladaq ki, İraq Məclisinin ən böyük şiə qrupu ilk günlərdən İraq Kürd Regional Rəhbərliyinin Kərkükdə keçirəcəyi referendumu qəbul etmədiklərini bildirmişdi. Koalisiya Kərkükü terror təşkilatı DAEŞ-dən təmizləmək üçün siyasi münaqişələrdən uzaq tutulması lazım olduğunu vurğulayıb.