Həsən Ruhani: "Türk demək, cəsarət deməkdir"
İran prezidenti Həsən Ruhani Türk insanına və dilinə təriflər yağdırdı.
![Həsən Ruhani: "Türk demək, cəsarət deməkdir"](http://cdn.trt.net.tr/images/xlarge/rectangle/a1a3/fb7d/111e/58c63a6995370.jpg?time=1718874889)
İran prezidenti Həsən Ruhani cümə günü keçiriləcək prezident seçkiləri çərçivəsində Şərqi Azərbaycanın mərkəzi Təbrizdə xalqa müraciət etdi.
Çıxışında Türk insanına və dilinə təriflər yağdıran iranlı lider:"Türk demək, cəsarət deməkdir. Türk dili yalnız dil deyil, bir ruh və düşüncə tərzidir" ifadələrini işlətdi.
Həsən Ruhani Urmiyə gölünün quruması ilə əlaqədar olaraq əvvəlki seçki kampaniyasında verdiyi vədləri xatırladaraq:" Əgər bəzi qərarlar qəbul edərək tətbiq etməsəydik, bu gün Urmiyə gölü tamamilə quruyardı. Şərqi Azərbaycan və Qərbi Azərbaycan şəhərləri duz fırtınaları ilə üz-üzə qalardı" dedi.
Ruhani Ürmiyə gölünün qurumasının qarşısının alınmasının ölkəsinə sərmayə qoymaq istəyən iş adamları üçün embarqoların ləğv edilməsi qədər əhəmiyyətli olduğunu vurğulayaraq:"Biz dünya ilə aramıza sədd çəkmək istəmirik. Bu mənada dünya ilə aramızda körpü olan Təbriz-Bazergan (Türkiyə sərhəd qapısı) avtomobil yolunu yaxın vaxtlarda açacağıq" deyə danışdı.
İran prezidenti Təbrizin 2018-ci ildə İslam Dünyasının Mədəniyyət Paytaxtı olmasının və Azərbaycanın Dünya Turizm Mərkəzi olmasının vacibliyinə diqqət çəkərək, hamını cümə günü keçiriləcək seçkilərdə iştirak etməyə və səs verməyə çağırdı.
Әlaqәli Xәbәrlәr
![Gürcüstan vətəndaşlarının “Covid-19” cərimələrini siləcək](http://cdn.trt.net.tr/images/medium/rectangle/517b/643c/c38a/665eaf5f2c8b8.png?time=1718874889)
Gürcüstan vətəndaşlarının “Covid-19” cərimələrini siləcək
Bu barədə Gürcüstanın Baş naziri İrakli Kobaxidze məlumat verərək deyib ...