اسرائیل کوچلری تورر جایلرگه هجوم اویوشتیرماقده

اسرائیل تامانیدن غزه نینگ اورته سیده جایلشگن نصیرات قاچقینلر کمپی نینگ غربیده قاله ویرسه الزاویه منطقه سیده ایککی اویگه اویوشتیریلگن هوا هجوملری عاقبتیده تلفات بارلیگیدن خبر بیریلدی.

فلسطین رسمی خبر آژانسی وفانینگ خبریگه کوره، شاهدلر اویوشتیریلگن هوا هجوملری عاقبتیده تلفات بارلیگینی معلوم قیلماقده.

غزه نواری نینگ اورته منطقه سیده جایلشگن دایرالبلاح شهریده گی اقصی شهیدلری کسلخانه سیدن بیر ییتکچی هم اسرائیل حربی اوچاقلری نینگ الزاویه منطقه سیده الطلبانی عایله سی نینگ اویینی بمباردمان قیلیشی عاقبتیده اولگن ایککی ته سی باله 3 کیشی نینگ جنازه سی بیلن کوپلب یره لی نینگ کسلخانه گه ییتکیزیلگن لیگینی تیلگه آلدی.

اسرائیل کوچلری نینگ اشغال آستیده گی غربی نوارنینگ رحم الله شهریده جایلشگن بیر قیشلاققه اویوشتیرگن باسقینده 4 ته فلسطینلیک نینگ حیاتینی یوقاتگن لیگی 8 کیشی نینگ یره لنگن لیگی بیلدیریلدی.

فلسطین قیزیل آی جمغرمه سی تامانیدن بیریلگن بیاناتده هم کفر نیما شهریده بیر موترگه اوق اوزیلگن لیگی عاقبتده 3 کیشی نینگ یره لنگن لیگی بوییچه خبر کیلگن لیگی افاده ایتیلدی.