اسرائیل اوروش کابینه سی اعضاسی بنی گانتس استعفا ایتدی

اسرائیل اوروش کابینه سی اعضاسی بنی گانتس, اولکه سی نینگ غزه نواری ده گی قیرغین اوروشی نینگ 8- آییده بنیامین نتنیاهو باشچیلیگیده گی اضطراری حالت حکومتی دن استعفا ایتگن لیگینی بیلدیردی. 

گانتس, ترتیب له گن مطبوعاتی کنفرانسیده, "افسوس که, حکومت دن رسمی بیر شکلده استعفا ایتگن لیگیم نی بیلدیرماقده من" دییه قید ایتدی. 

گانتس, اسرائیل نینگ "حقیقی ظفر تامان آلغه کیتیشی نی" توسیب قویگن لیگینی ادعا ایتگن نتنیاهو نینگ, سیاسی مفکوره سیگه کوره قرار قیلیاتگن لیگینی بیلدیردی. 

گانتس, نتنیاهو نی "ممکن بولگن اینگ یقین کیله جکده" وقتی دن آلدین سیلاو گه چقیررایکن, مدافعه وزیری یوآف گالانت نی هم حکومت دن استعفا ایتیش گه چقیردی. 

امریکا قوشمه ایالتلری دولت رهبری جو بایدن تامانیدن مطرح قیلینگن اسیر المه شووی نی حمایت قیلیاتگن لیگینی بیلدیرگن گانتس, نتنیاهو دن اوشبو کیلیشوو نی تامین ایتیش اوچون جدی حرکت قیلیشینی طلب ایتدی. 

بنی گانتس, 18- می کونی بیرگن بیاناتیده, باش وزیر بنیامین نتنیاهو نینگ غزه ده گی هجوم لر دن کیین مطرح بوله دیگن وضعیت بوییچه 8- جون گه قدر بیر پلان نی تصدیق له مس لیگی تقدیرده, حزبی نینگ حکومت دن اجره له دیگن لیگینی معلوم قیلگن ایدی.