غزه نواریده ینه ایککی نفر ژورنالیست اولدیریلدی

اسرائیل اردوسی تامانیدن 7 اکتوبردن بیری آلیب باریلگن غزه نواریگه قره ته هجوملریده ینه ایککی نفر ژورنالیست حیاتینی یوقاتدی.

غزه ده گی حکومت نینگ ییتکیرمه باشقرووی تامانیدن بیریلگن یازمه بیاناتده، اسرائیل اردوسی تامانیدن رفح و جبالیه شهرلریگه قره ته اویوشتیریلگن هجوملر عاقبتیده الا حسن الحمس و انغام احمد ادوان نینگ حیاتینی یوقاتگن لیگی بیلدیریلدی.

بیاناتده اسرائیل نینگ 7 اکتوبردن بیری آلیب باریلگن هجوملریده اولدیریلگن ژورنالیست سانی نینگ 126 گه ییتگن لیگی قید ایتیلدی.

غزه ده گی حکومت نینگ ییتکیرمه باشقرووی تامانیدن بیریلگن یازمه بیاناتده، اسرائیل نینگ غزه ده ژورنالیستلرنی "فلسطین نینگ سیسینی اوچیریش، حقیقتلرنی یشیریش، خبر و معلوماتلرنینگ منطقوی و خلق ارا همجمعیت گه ییتکیزیلیشی گه توسیق بولیش مقصدی بیلن قصداً اولدیرگن لیگی افاده ایتیلدی.

اسرائیل اردوسی تامانیدن 2023 ییلی 7 اکتوبردن بیری غزه نواریگه قره ته اویوشتیرگن هجوملریده کمیده 12 مینگ ته باله، 8 مینگ 190 ته خاتین – قیز توپلم 28 مینگ 340 ته فلسطینلیک اولدیریلگن، 67 مینگ 984 ته فلسطینلیک یره لنگن.

فلسطین مقاومت حرکتی حماس نینگ حربی ترماغی عزت الدین القسام کوچلری 7 اکتوبرده اسرائیل نینگ "فلسطین لیکلر قاله ویرسه مسجد اقصی گه قره ته اخلاللریگه جواب بیریش" مقصدی بیلن «اقصی طوفانی» آتیده کینگ بیر هجوم باشلتگن لیگینی بیلدیرگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگندی.