اسرائیل نینگ غزه گه قره تیلگن هجوملریده اون مینگلب فلسطینلیک حیاتینی یوقاتدی و یره لندی

اسرائیل نینگ, غزه نواری گه قره تیلگن هجوملریده حیاتینی یوقاتگن فلسطینلیک لر سانی 27 مینگ 947 نفر گه ییتدی. 

غزه ده گی فلسطین ساغلیق نی سقلش وزیرلیگی سوزچیسی اشرف القدره, اسرائیل نینگ 126 کوندن بیری دوام ایتیاتگن غزه نواری گه قره تیلگن هجوم لری حقیده معلومات بیردی. 

اسرائیل کوچلری نینگ سونگّی 24 ساعتده غزه نواریده ینه 107 نفر فلسطینلیک نی اولدیرگن لیگی و شونده ی قیلیب حیاتینی یوقاتگن فلسطینلیک لر سانی نینگ 27 مینگ 947 نفر گه ییتگن لیگی معلوم قیلیندی. 

سونگّی هجوملرده ینه 142 کیشی نینگ یره لنگن غزه نواریده زخمی لر سانی نینگ هم 67 مینگ 459 نفر گه ییتگن لیگی بیلدیریلدی. 

سوزچی, حاضر هم ویران بولیب قالگن اوی لرنینگ تگیده جسد لرنینگ موجود ایکن لیگی و اسرائیل کوچلری نینگ ممانعتی سببلی ساغلیق نی سقلش تیم لری نینگ جنازه لرنی توپله آلمه یاتگن لیگینی معلوم قیلدی.