اسرائیل نینگ هجوملریده ییگیرمه سکیز مینگ گه یقین فلسطینلیک حیاتینی یوقاتدی

اسرائیل نینگ غزه نواری نینگ اورته سیده و جنوب قسم لری گه قره ته اویوشتیرگن هوا هجوملریده 14 نفر فلسطینلیک حیاتینی یوقاتدی.

فلسطین رسمی خبر آژانسی وفا نینگ بیرگن خبریده, اسرائیل نینگ کیچه غزه نواری نینگ جنوبی ده گی رفح شهری بیلن اورته قسمده گی دیرالبلح منطقه سی گه هوا هجوملری اویوشتیرگن لیگی بیلدیریلدی. 

هوا هجوملریده مسکونی نقطه لرنینگ هدف قیلیب آلینگن لیگی بیلدیریلگن خبرده, اسرائیل اوروش اوچاق لری نینگ رفح شهریده 2 اوینی بمباران قیلیشی نتیجه سیده 12 نفر عادی اهالی نینگ حیاتینی یوقاتگن لیگی و کوپلب کیشی نینگ ایسه یره لنگن لیگی معلوم قیلیندی. 

خبرده, اسرائیل اردوسی نینگ دیرالبلح منطقه سی گه قره تیلگن هجوملریده هم 2 کیشی نینگ اولدیریلگن لیگی, کمیده 10 نفر فلسطینلیک نینگ یره لنگن لیگی بیلدیریلدی. 

اسرائیل نینگ 7- اوکتوبردن بیری غزه نواری گه قره تیلگن هجوملریده کمیده 12 مینگ نفری باله لر و 8 مینگ 190 نفری ایسه عیال لردن عبارت 27 مینگ 708 فلسطینلیک حیاتینی یوقاتدی و 67 مینگ 147 کیشی یره لندی. 

ویران بولیب قالگن اوی لرنینگ تگیده حاضر هم مینگلب جسد نینگ موجود ایکن لیگی بیلدیریلرایکن, عادی اهالی نینگ باریب جایله شیب آلگن کسلخانه لر و تعلیمی مرکز لر هم بمباران قیلینماقده.