اسرائیل کوچلری سوریه گه قره ته هوا هجومی اویوشتیردی

اسرائیل سوریه نینگ پایتختی دمشققه قره ته هوا هجومی اویوشتیردی.

سوریه رسمی خبر آژانسی سانا عسکری بیر منبع گه تیانتیریب خبر بیریشیچه، محلی وقت بیلن ساعت 04:20 ده دمشق نینگ جنوبیده بعضی بیر نقطه لرنی اسرائیل کوچلری نشان الیب اورگن.

خبرده "هوا مدافعه سیستمیمیز اشغال آستیده گی جولان تیپه لری تامانیدن کیلگن دشمن راکتلریگه توسیق بولیب بعضیلرینی اوروب توشیردی. خوددی هجوم عاقبتیده خساره یوزبیردی." دییلدی.

اسرائیل مقاملری تامانیدن ایسه اوشبو هجوم حقیده بیانات بیریلمه دی.

دمشق و چیکه حدودلریده سوریه اردوسی و ایران قوللب – قوتلاوچی گروپلرنینگ قاله ویرسه لبنان حزب الله گروپلری نینگ بارلیگی بیلینماقده.

اسرائیل، سوریه ده ایچکی اوروش باشله گن 2011 ییلیدن بیری بو اولکه ده گی ایران قوللب – قوتلاوچی گروپلرگه قره ته وقت وقتی بیلن هجوم اویوشتیرماقده.