اسرائیل نینگ هجوملریده تقریباً 27 مینگ نفر فلسطینلیک حیاتینی یوقاتدی

اسرائیل اردوسی نینگ غزه گه نواری گه قره ته 7- اوکتوبر دن بیری دوام ایتدیریاتگن هجوملریده حیاتینی یوقاتگن فلسطینلیک لر سانی 26 مینگ 900 نفر گه ییتدی. 

غزه ده گی فلسطین ساغلیق نی سقلش وزیرلیگی سوزچیسی اشرف القدره, اسرائیل نینگ غزه نواری گه قره ته 117 کوندن بیری دوام ایتدیریاتگن هجوم لری حقیده معلومات بیردی. 

اسرائیل کوچلری نینگ سونگّی 24 ساعتده غزه نواریده 150 نفر فلسطینلیک نی اولدیرگن لیگی, 313 فلسطینلیک نی ایسه یره له گن لیگینی معلوم قیلگن القدره, غزه ده 7- اوکتوبر دن بیری اولدیریلگن فلسطینلیک لر سانی نینگ 26 مینگ 900 نفر گه ییتگن لیگینی بیلدیردی.

سوزچی, 65 مینگ 949 نفر فلسطینلیک نینگ ایسه یره لنگن لیگینی معلوم قیلدی. 

القدره, حاضر هم ویران بولگن اویلرنینگ تگی و یول چیککه لریده جسد لرنینگ موجود ایکن لیگی, اسرائیل کوچلری نینگ ممانعتی سببلی ساغلیق نی سقلش تیم لری نینگ جنازه لرنی انتقال ایتدیره آلمه یاتگن لیگینی بیلدیردی.