سوریه اردوسی تامانیدن ادلب نینگ مرکزیگه قره ته هجوم اویوشتیریلدی

سوریه اردوسی تامانیدن ادلب نینگ مرکزیگه قره ته اویوشتیریلگن هجوم عاقبتیده 4 نفر یره لندی.

ادلب نینگ شرقیده جایلشگن سراکب تومنیده گی سوریه اردوسی کوچلری و ایران نینگ حمایه سیده گی خارجی تروریست گروپلر ادلب شهر مرکزیگه آغیر قوراللر آرقه لی هجوم اویوشتیرگن.  

ملکی مدافعه منبعلریدن قولگه کیریتیلگن معلوماتگه کوره، اوشبو هجوم عاقبتیده 4 کیشی یره لنگن.

ادلب ده گی وضعیت

تورکیه، روسیه و ایران 2017 ییلیده گی آستانه جلسه سیده سوریه باشقرووی نینگ کنترولیده بولمه گن ساحه ده 4 ته "بحران نی کمه یتیریش منطقه سی" ایجاد ایتیش قراری قبول قیلیب آلدی.

دمشق باشقرووی ایران نینگ حمایه سیده گی خارجی تروریست گروپلر بیلن روسیه هجوملرگه دوام ایتیب 4 منطقه دن 3 ته سینی قولگه کیریتیب آلدی و ادلب گه قره ب یول آلدی.

تورکیه 2018 ییلی سپتامبر آییده روسیه بیلن آتشکیسین نی کوچه یتیریش اوچون قوشیمچه کیلیشوو قویگن حالده 2019 ییلی می آییده هجوملر قیته دن کوچه یدی. تورکیه بیلن روسیه اورته سیده 2020 ییلی 5 مارچ تاریخیده آلیب بارگن ینگی کیلیشوو عملی بولیب بارماقده.

میلادی 2017 -2020 ییللریده هجوملردن قاچگن قریب 2 میلیون تینچ اهالی تورکیه چیگره سیگه یقین منطقه لرگه کوچ ایتیش گه مجبور بولیب قالدی.