اسرائیل نینگ کمیده اون نفر حربیسی اولدیریلدی

فلسطین مقاومت حرکتی دن عبارت حماس نینگ قوراللی بولیمی دن عبارت عزالدین القسام لوالری, غزه شهری نینگ شرقیده کمیده اون نفر اسرائیل حربیسی و منصبداری نینگ اولدیریلگن لیگینی معلوم قیلدی. 

القسام لوالری تامانیدن بیریلگن بیاناتده, فلسطینلیک مقاومتچی لرنینگ, غزه نینگ شرقیده گی شجاعیه محله سی و حسنین جاده سیده اسرائیل اردوسی نینگ پیاده کوچلرینی یوقاری ظرفیتلی پارتلاوچی ماده لر بیلن هدف قیلیب آلگن لیگی بیلدیریلدی. 

اوشبو هجومده, اسرائیل اردوسی منسوبی کمیده 10 نفر عسکر و منصبدار نینگ اولدیریلگن لیگی معلوم قیلیندی. 

شجاعیه ده اسرائیل اردوسی نینگ 2 تانکی گه راکت آتیلگن لیگی, شیخ رضوان محله سیده هم 4 تانک بیلن 4 حربی واسطه نینگ اوریلگن لیگی بیلدیریلدی. 

عینی دمده بیاناتده, غزه شهری نینگ جنوبشرقیده گی الزیتون محله سیده هم اسرائیل نینگ بیر تانکی نینگ هدف قیلیب آلینگن بیلدیریلدی. 

اسرائیل اردوسی توناون جبالیه و شجاعیه ده گی توقنه شوولرده بیر نفری منصبدار بولگن 10 نفر حربیسی نینگ اولگن لیگینی بیلدیرگن ایدی. 

اردو, بوگون ایرته لب هم غزه نواری نینگ جنوبیده گی توقنه شوو لرده بیر نفر اسرائیللیک منصبدار نینگ اولدیریلگن لیگینی بیلدیرگن ایدی. 

اسرائیل اردوسی, 7- اوکتوبر دن بیری 445 نفر حربیسی نینگ اولدیریلگن لیگینی معلوم قیلگن ایدی. 

القسام لوالری, 7- اوکتوبر کونی اسرائیل گه قرشی "اقصی طوفانی" ناملی کینگ کولملی بیر هجوم باشلتگن لیگینی معلوم قیلرایکن, اسرائیل اردوسی هم غزه نواری گه قره ته تیمیر قلیچ لر عملیاتی نی باشلتگن لیگینی بیلدیرگن ایدی. 

خوددی شوو کوندن بیری یوز بیرگن حادثه لر عاقبتیده کوپچیلیگی باله لردن عبارت 18 مینگدن آرتیق فلسطینلیک حیاتینی یوقاتدی.