تورکیه تشقی ایشلر وزیری بیرلشگن عرب امیرلیکلری گه تشریف بیوردی

تورکیه تشقی ایشلر وزیری خاقان فیدان ابوظبی ده بیرلشگن عرب امیرلیکلری دولت باشلیغی محمد بن زاید آل نهیان تامانیدن قبول قیلیندی.

تورکیه جمهوریتی تشقی ایشلر وزیرلیگی تامانیدن اجتماعی ترماق ایکس آرقه لی بیریلگن بیاناتده، یوقاری سویه لی اوچره شوولر اوتکزیش اوچون بیرلشگن عرب امیرلیکلری نینگ پایتختی ابو ظبی گه تشریف بیورگن فیدان نینگ بیرلشگن عرب امیرلیکلری دولت باشلیغی محمد بن زاید آل نهیان بیلن اوچره شگن لیگی بیلدیریلدی.

فیدان نینگ ابو ظبی ده گی اوچره شوولری دایره سیده بیرلشگن عرب امیرلیکلری تشقی ایشلر وزیری شیخ عبدالله بن زاید آل نهیان بیلن هم ملاقات قیلگن لیگی معلوم قیلیندی.

شونده ی بولیب دیپلوماتیک منبعلردن قولگه کیریتیلگن معلوماتگه کوره تشقی ایشلر وزیری فیدان هنگری تشقی ایشلر و تشقی تجارت وزیری پتر سیجارتو بیلن تیلفون سوزلشووی اوتکزگن.

اوشبو سوزلشووده کون ترتیبی بو.ییچه موضوعلر تیلگه آلینگن.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتگه کوره خاقان فیدان رسمی سفر آرقه لی بوگون قطرگه تشریف بیوره دی.  

خاقان فیدان دوحه ده قطر باش وزیری و تشقی ایشلر وزیری شیخ محمد بن عبدالرحمان بیلن ملاقات قیله دی و فیدان نی قطر امیری شیخ تمیم بن همد آل ثانی قبول قیلیب اوچره شه دی.  

اوچره شوولرده کیلگوسی باسقیچده دوحه ده اویوشتیریلیشی کوتیلگن تورکیه – قط یوکسک ستراتیژی کمیته سی نینگ 19 – جلسه سی نینگ تیارگرلیکلری قاله ویرسه اوزارا مناسبتلرنینگ تیلگه آلینیشی کوتیلماقده.

شونده بولیب فلسطین ده گی سونگگی وضعیت قاله ویرسه منطقوی و خلق ارا ینگیلیکلرگه تیگیشلی فکر المه شووی عملگه آشیریله دی.