حماس نینگ هجوملریده یوزلب اسرائیل لیک حیاتینی یوقاتدی
اوشبو مطلب نی اسرائیل مطبوعاتی بیلدیردی
اسرائیل مطبوعاتی, حماس نینگ شنبه کونی باشله گن هجوملریده 700 کیشی نینگ حیاتینی یوقاتگن لیگینی معلوم قیلرایکن, اسرائیل اردوسی ایسه, اولگن عسکر لر سانی نینگ 73 نفر گه ییتگن لیگینی بیلدیردی.
اسرائیل اردوسی تامانیدن بیریلگن یازمه بیاناتده, حیاتینی یوقاتگن ینه 16 نفر اسرائیل عسکری نینگ کیم ایکن لیگی حقیده عایله لری و خلققه معلومات بیریلگن لیگی ایسله تیلدی.
غزه دن باشله تیلگن هجوملرده, 2 مینگ 315 نفر اسرائیل لیک نینگ یره لنگن لیگی بیلدیریلرایکن, اوشبو کیشی لردن 365 نفری نینگ ساغلیق وضعیتی نینگ یمان ایکن لیگی معلوم قیلیندی.
اسرائیل اردوسی, توناون غزه نینگ شمالشرقیده گی بیت حانون منطقه سی و تیگره گیده 120 هدف نی بمباران قیلگن لیگینی بیلدیردی.
اونلب تُن راکت آتیلیب اویوشتیریلگن اوشبو هجومده حماس گه عاید هدف لرنینگ اوریلگن لیگی, بولر آره سیده بیر تونل نینگ هم موجود ایکن لیگی معلوم قیلیندی.
اردو سوزچیلیگی, اسرائیل خوفسیزلیک کوچلری نینگ غزه نواری دن بیر نیچه کیلومتر مسافه ده گی بیر نقطه ده 70 الی 90 نفر قوراللی عنصر لر بیلن توقنشگن لیگی, فلسطینلیک قوراللی کیشی لرنینگ هیچ قیسی نینگ بو ییرده گی مسکونی نقطه لر گه کیریش گه موفق بوله آلمه گن لیگی و توقنه شوولر نینگ دوام ایتیاتگن لیگی نی معلوم قیلدی.
اسرائیل دولت نشرات ارگانی دن عبارت KAN نینگ خبری گه کوره اسرائیل اردوسی, 7- اوکتوبر کونی دن باشلب غزه نواری دن 800 الی 1000 نفر فلسطین لیک قوراللی کیشی نینگ 80 فرقلی نقطه دن اسرائیل ایچیده گی 20 مسکونی منطقه و 11 حربی مرکز گه کیرگن لیگینی بیلدیردی.
اسرائیل خوفسیزلیک کوچلری نینگ غزه نواری تیگره گیده گی 7 فرقلی نقطه ده فلسطین لیک قوراللی کیشی لر بیلن اوروشگن لیگی معلوم قیلیندی.
محاصره آستیده گی غزه نواری دن اسرائیل تامانیدن راکت آتیلیشی 3- کونده هم دوام ایتماقده.
حماس نینگ نظامی بولیمی دن عبارت القسام لوا لری, شنبه کونی اسرائیل گه قره ته "اقصی طوفانی" ناملی کینگ کولملی بیر هجوم باشلتگن لیگینی بیلدیرگن ایدی. غزه دن اسرائیل گه مینگلب راکت آتیلرایکن, قوراللی کیشی لر منطقه ده گی مسکونی نقطه لر گه کیرگن ایدی.
اسرائیل اردوسی هم اوروش اوچاق لری بیلن غزه نواری گه قره ته تیمیر قلیچ لر ناملی عملیات باشلتگن لیگینی معلوم قیلگن ایدی.
اوشبو بحران نتیجه سیده ایکله تاماندن یوزلب کیشی حیاتینی یوقاتدی.
