حماس نینگ اسرائیل گه قره تیلگن هجوملریده اولگن کیشی لر سانی یوز نفر گه ییتدی

حماس نینگ محاصره آستیده گی غزه نواریدن اسرائیل گه قره ته اویوشتیرگن هجوملریده اولگن کیشی لر سانی 100 نفر گه ییتدی. 

اسرائیل اردو رادیوسی, حماس نینگ باشلتگن هجوملرده حاضرگه چه 100 نفر اسرائیل لیک نینگ اولگن لیگینی بیلدیردی.  یره لنگن لر سانی نینگ ایسه 1000 نفردن آشگن لیگی معلوم قیلیندی.

اسرائیلده مکتب لرنینگ ایرته گه رخصت قیلینگن لیگی بیلدیریلدی. 

اسرائیل مدافعه کوچلری, حماس نینگ اقصی طوفانی عملیاتی گه قرشی "تیمیر قلیچ لر عملیاتی" باشله تیلگن لیگینی معلوم قیلدی. 

اسرائیل مدافعه کوچلری سوزچیسی, اسرائیل حدود لری گه 2 مینگ 200 دن آرتیق راکت آتیلگن لیگی, حماس تامانیدن هوا, دینگیز و قوریقلیک آرقه لی اسرائیل گه کیریلیش گه حرکت قیلینگن لیگی نی بیلدیردی. 

اسرائیل مدافعه وزیری یوآف گالانت, "حماس, بوگون ایرته لب کتته بیر اشتباه قیلیب قویدی و اسرائیل گه قرشی اوروش باشلتدی.  اسرائیل مدافعه کوچلری, کیریلگن برچه نقطه لرده دشمن گه قرشی اوروشماقده.  اسرائیل اوشبو اوروشده موفق بوله دی" دییه قید ایتدی. 

اسرائیل اردوسی سوزچیلیگی, غزه ده حماس گه عاید 17 حربی مرکز بیلن 4 عملیات مرکزی نی هدف قیلیب آلگن لیک لرینی بیلدیردی. 

اسرائیل اردوسی, قوماندان لریدن بیری نینگ حماس تامانیدن اسیر آلینگن لیگی ادعا لری بیلن علاقه لی بیرگن بیاناتیده, "کوپ راپور آلگن لیک لری لیکن اوشبو خبر نی تائید ایته آلمه یدیگن لیک لرینی" معلوم قیلدی. 

پولیس آمری کوبی شابتای, فلسطین قوراللی گروه لری نینگ کیریب آلگن جای لرده, "منطقه منطقه آلغه کیتیاتگن لیک لری, بعضی لرینی تاثیرسیز وضعیت گه کیلتیرگن لیک لرینی" ایسله تیب اوتدی. 

فلسطین رسمی خبر آژانسی وفا نینگ خبری گه کوره, اسرائیل, غربی نوار نینگ بعضی منطقه لری گه اوتیش یوللری نی یاپیب قویدی. 

غزه چیگره سی یقینیده یشیاتگن اسرائیل لیک لر, اوی لری نینگ تیگره گیده گی کوچه لرده فلسطین لیک قوراللی کیشی لرنینگ ایله نیب یورگن لیگینی بیلدیردی. 

هاآرتس روزنامه سی نینگ اسرائیل پولیسی گه تینتیریب بیرگن خبری گه کوره, قوراللی تقریباً 60 نفر فلسطین لیک نینگ اسرائیل نینگ 14 منطقه سی گه کیرگن لیگی بیلدیریلماقده. 

اسرائیل اردو رادیوسی, اولکه نینگ جنوبی ده گی بیر شهردارنینگ فلسطین لیک لر بیلن بولگن توقنه شووده حیاتینی یوقاتگن لیگینی معلوم قیلدی. 

اسرائیل باش وزیری بنیامین نتنیاهو, "اوروشده میز.  بو بیر عملیات یاکه متقابل بیر هجوم دن عبارت ایمس, اوروشدیر" دییه قید ایتدی.