تورکیه - بیرلشگن عرب امیرلیکلری دولت باشلیغلری اوزارا سوزلشوو اوتکزدی

بیرلشگن عرب امیرلیکلری دولت باشلیغی محمد بن زاید آلنهیان پایتخت انقره ده گی ترورچیلیک هجومی نینگ آرتیدن تورکیه جمهور باشلیغی رجب طیب ایردوغان بیلن تیلفون آرقه لی سوزلشوو اوتکزیب اولکه سی نینگ تورکیه بیلن بیردملیک ایچیده ایکن لیگینی بیلدیردی.

بیرلشگن عرب امیرلیکلری رسمی خبر آژانسی WAM خبر بیریشیچه آلنهیان بیلن ایردوغان اوزارا تیلفون سوزلشووی اوتکزگن.

آلنهیان خوددی شو سوزلشووده بیرلشگن عرب امیرلیکلری نینگ تورکیه و قرینداش تورک خلقی بیلن بیردملیک ایچیده ایکن لیگینی بیلدیرگن.

بیرلشگن عرب امیرلیکلری دولت باشلیغی آلنهیان هر قنده ی ترورچیلیک که قرشی کوره ش اوچون خلق ارا اورونیش گه ضرورت بارلیگینی معلوم قیلگن.

خوددی شو هجوم عاقبتیده یره لنگن خوفسیزلیک کوچلری منسوبلریگه عاجل شفا تیله گن بیرلشگن عرب امیرلیکلری دولت باشلیغی تورکیه و قرداش تورک خلقی گه تورلی یمانلیکلردن اوزاق خوفسیزلیک و برقرارلیک ایچیده بولیشلرینی تمنی قیلگن.