سوریه ده تروریست جنگریلر تامانیدن تورر جایلرگه قره ته هجوم اویوشتیریلدی
ترورچیلرنینگ قولیدن تمیزلنگن منطقه گه هجوم اویوشتیریلدی
![سوریه ده تروریست جنگریلر تامانیدن تورر جایلرگه قره ته هجوم اویوشتیریلدی](http://cdn.trt.net.tr/images/xlarge/rectangle/a4cc/8c8a/0f7a/64f6db543008f.jpg?time=1719126247)
سوریه نینگ شمالیده فرات قالقانی عملیاتی آرقه لی تروریستلرنینگ قولیدن تمیزلنگن الباب تومنی گه باغلیق کابّاسین منطقه سی گه بولووچی ترور تشکیلاتی پی کاکا/وای پی جی منسوبی تروریست جنگریلر تامانیدن اویوشتیریلگن هجوم عاقبتیده 4 نفر تینچ اهالی یره لندی.
ترور تشکیلاتی پی کاکا/وای پی جی منسوبی تروریست جنگریلر کیچه لب منبج ده اشغالی آستیده گی اورامادن کابّاسین منطقه سیگه ییردن هجوم اویوشتیرگن لیگی بیلدیریلدی.
خوددی شو هجوم عاقبتیده 4 نفر تینچ اهالی نینگ یره لنگن لیگی معلوم قیلیندی.
ترور تشکیلاتی پی کاکا/وای پی جی نینگ هم اولکه نینگ شمال – شرقیده گی تل ابیاد تومنی نینگ جنوبیده جایلشگن ساحلیه قیشلاغی گه اویوشتیرگن هجوم عاقبتیده 1 نفر تینچ اهالی حیاتینی یوقاتر ایکن 2 نفر تینچ اهالی یره لنگندی.
الباب تومنی مرکزی 2017 فبروری آییده فرات قالقانی عملیاتی آرقه لی ترور تشکیلاتی داعش نینگ قولیدن تمیزلب آلینگندی.