سوریه اردوسی کوچلری تامانیدن تینچ اهالی گه قره ته قوراللی هجوم اویوشتیریلدی

سوریه اردوسی منسوبلری تامانیدن ادلب ولایتیده بیر قیشلاقده حرکت وضعیتده گی بیر واسطه گه اویوشتیریلگن هجوم عاقبتیده 3 نفر تینچ اهالی یره لندی.

ادلب نینگ جنوبیده گی بیر قیشلاقده جایلشگن سوریه اردوسی منسوبلری و ایران حمایه سیده گی خارجی تروریست گروپلر ایریم قیشلاق تامانگه قره ته قوراللی هجوم اویوشتیرگن.

ملکی مدافعه منبعلریدن قولگه کیریتیلگن معلوماتگه کوره خوددی شو هجوم عاقبتیده یره لنگن 3 نفر تینچ اهالی منطقه ده گی کسلخانه گه انتقال بیریلگن.

سوریه نینگ جنوبیده جایلشگن درا ولایتیده هم دمشق باشقرووی گه قرشی مظاهره اویوشتیرگن نمایشچیلرگه قره ته سوریه اردوسی تامانیدن اوق اوزیلگن لیگی قید ایتیلدی.

دراده گی محلی منبعلردن قولگه کیریتیلگن معلوماتگه کوره نوا تومنیده ییغیلگن خلق دمشق باشقرووینی قاره لب مظاهره قیلگن.

"رژیم یوقه لسین" دیگن شعار بیرگن مظاهره چیلرگه قره ته سوریه اردوسی تامانیدن اوق اوزیلگن.

بو حادثه ده تلفات حقیده معلومات بیریلمه دی.

دمشق باشقرووی تامانیدن نفت نرخی یوقاری آلیب باریلیشی نینگ آرتیدن درا بیلن سویدا ولایتلری قاله ویرسه انچه جایده مظاهره لر باشلب کیتگندی.