سوریه ده تروریست جنگریلر تامانیدن بدرغه بولیب چیققن تینچ اهالی لرگه قره ته هجوم اویوشتیریلدی

سوریه نینگ حلب ولایتی نینگ تلف رفات تومنیده گی اشغالینی سوردیرگن بولووچی ترور تشکیلاتی پی کاکا/وای پی جی عفرین ده زوروانلیک بیلن بدرغه قیلینگن تینچ اهالی سیغینگن خامه اویلرگه قره ته اویوشتیرگن هجومی عاقبتیده 6 نفر تینچ اهالی یره لندی.

تورکیه نینگ چیگره سیده 18 کیلومتر اوزاقلیکده بولگن سوریه نینگ تل رفات تومنی نی 6 ییلدن آرتیق بیر مدتدن بیری اشغال قیلیب تورگن پی کاکا/وای پی جی ملکی تورر جایلرنی اماج قرار بیریش گه دوام ایتماقده.

تل رفات ده اویه قیلگن تروریست جنگریلر حربی مخالفلرنینگ کنترولیده گی عفرین نینگ ترنده قیشلاغیده بدرغه بولگنلر سیغینگن اویلرگه 2 ته راکت اوریلگن.

ملی مدافعه منبعلری تامانیدن بیریلگن معلوماتلرگه کوره اویوشتیریلگن هجومده 3 ته سی باله لردن عبارت توپلم 6 نفر تینچ اهالی یره لنگن.

پی کاکا/وای پی جی لیبک تروریست جنگریلر 2016 ییلی فبروری آییده روسیه نینگ هوا حمایه سی بیلن تل رفات و تیگره گیده گی بعضی بیر تورر جایلرنی قولگه آلگندی.

ترور تشکیلاتی تل رفات و تیگره گیده گیدن قریب 250 مینگ تینچ اهالی بدرغه ایترکن، اوشبو نفوس تورکیه حدودی گه یقین منطقه لرگه سیغینگندی.

پی کاکا/وای پی جی بو جایدن فرات قلقانی و زیتون یاله سی عملیاتی منطقه سیده گی تورر جایلر بیلن بیر قطارده خوفسیزلیگی تامین ایتگن تورک خوفسیزلیک کوچلریگه و مخالف اوروشچیلرنینگ موضعلریگه هجوملر اویوشتیرماقده.