یهودی ناقل لر بیر نفر فلسطینلیک نی اولدیردی

اشغال آستیده گی غربی نوارده یهودی ناقل لر نینگ فلسطینلیک لر گه قرشی هجومی عاقبتیده بیر فلسطینلیک حیاتینی یوقاترایکن, 12 نفر فلسطینلیک ایسه یره لندی. 

اسرائیل نینگ غربی نوارده گی قانلی حمله لری آرتیدن ایندی یهودی ناقل لر هم فلسطینلیک لر گه قرشی هجوم اویوشتیره باشله دی. 

اسرائیل اردوسی حمایه سیده گی یهودی ناقل لر, رام الله یقینیده گی تُرمُسعیا منطقه سیده فلسطینلیک لرنینگ اوی لری و موتر لری نی یاندیریب یوباردی.

اوشبو حادثه آرتیدن منطقه یشاوچی لری و یهودی ناقل لر اورته سیده جنجال پیدا بولدی.  

حادثه عاقبتیده یره لنگن فلسطینلیک لر رام الله ده گی فلسطین طب مرکزی گه انتقال ایتدیریلدی.  کوکره گی گه اوق اصابت ایتیب یره لنگن بیر فلسطینلیک کسلخانه ده حیاتینی یوقاتدی. 

ترمسعیا بلدیه باشلیغی لافی شلبی, بیرگن بیاناتیده, فلسطینلیک 12 نفر یاش ییگیت نینگ اوق تیگیب یره لنگن لیگی, اونلب کیشی نینگ کوز یاشی آقیزوچی گازدن تاثیرلنگن لیگی و یهودی ناقل لرنینگ هجوملریده 30 اوی بیلن 60 گه یقین موتر نینگ یاندیریلگن لیگی نی بیلدیردی.

عینی دمده بیرلشگن ملتلر تشکیلاتی عمومی منشی سی انتونیو گوترش نینگ هم فلسطین توپراق لریده گی زورانلیک لر بوییچه خواطر بیلدیرگن لیگی معلوم قیلیندی. 

بیرلشگن ملتلر تشکیلاتی سوزچیسی اورینباسری فرحان حق اوشبو موضوع بیلن علاقه لی بیرگن یازمه بیاناتیده, گوترش نینگ عادی اهالی گه قره تیلگن هر خیل زورانلیک و ترورچیلیک فعالیتی نی قاره له گن لیگی, بونگه اولدیریلگن 4 نفر اسرائیل لیک بیلن اشغال آستیده گی غربی نوارده ناقل لر تامانیدن اوی, مکتب و موتر لرنینگ یاندیریلیشی نینگ هم داخل ایکن لیگی بیلدیریلدی. 

گوترش نینگ 19- جون کونی جنین ده اسرائیل اردوسی نینگ هجوم لری عاقبتیده آره سیده 2 باله نینگ موجود بولگن 7 نفر فلسطینلیک نینگ حیاتینی یوقاتگن حادثه لر بوییچه هم خواطر بیلدیرگن لیگی معلوم قیلینگن بیاناتده, "بحران نی کمه یتیریش و آرتیب کیتیشی نینگ آلدی نی آلیش حیاتینی اهمیت گه ایگه. اشغالچی کوچ بولگن اسرائیل نینگ, عادی اهالی نی هر خیل زوروانلیککه قرشی مدافعه قیلیشی و مجرم لر نی مسئول دیب کوریشی کیره ک" دییه قید ایتیلدی.