سوریه و عراقده یوزلب تروریست جنگری تاثیرسیزوضعیت گه کیلتیریلدی

سوریه و عراق نینگ شمالیده، بولووچی ترور تشکیلاتی پی کاکا/وای پی جی گه قره ته اویوشتیریلگن هوا عملیاتی بیلن 254 ته تروریست جنگری تاثیرسیزوضعیت گه کیلتیریلدی.

تورکیه جمهوریتی ملی مدافعه وزیری خلوصی آقر، کیچه لب تورکیه قوراللی کوچلری قومنده قدمه سی همراهلیگیده پایتخت انقره ده گی ییر کوچلری قومندانلیگی عملیات مرکزیگه باردی.

آقر بوجایدن چیگره خطیده گی کوچلر قومندانلری بیلن ویدیو کنفرانس آرقه لی جلسه اوتکزدی.

آقر، سوریه و عراق نینگ شمالیده گی پنجه – قلیچ عملیاتی بوییچه شولرنی ایتدی:

"حلی گچه 471 ته هدف هجوم آستی گه آلیندی. 254 ته تروریست جنگری تاثیرسیزوضعیت گه کیلتیریلدی. بو جایده تروریست جنگریلرنینگ اوره لیب قالگن لیگی انیق. اوره لیب قالدیر چونکه بولر حربی تینچ اهالی گه قره مه اوق اوزیش گه دوام ایتماقده لر. بیزنینگ تیزده اولرنینگ سیسینی اوچیریشیمیز کیره ک" دیب ایتدی آقر جنابلری.

مدافعه وزیری حربیلرگه خطاب قیلیب "تورکیه و تورکیه قوراللی کوچلری بیلن اویین اوینش ممکن ایمس بونی جزاسینی ترته دیلر" دیب ایتدی.

"جزا بیریش پیتی کیلدی. تینچ اهالی، حربی حیاتینی یوقاتگن شهیدلریمیزنینگ، کیچکینه باله لرنینگ، خاتین – قیزلرنینگ، اوقیووچیلرنینگ، اوقیتووچیلرنینگ هر تامله قانینی انتقامینی آله سیز" دیب ایتدی.

ملی مدافعه وزیری خلوصی آقر؛

"بیزنینگ یگانه مقصدیمیز تروریست جنگریلردیر. بولر پی کاکا، وای پی جی، پی وای دی، داعشدن عبارت دیر" دیدی.

تورکیه قوراللی کوچلری، 19 نوامبر کونی سوریه و عراق نینگ شمالیده، بولووچی ترور تشکیلاتی پی کاکا/وای پی جی گه قره ته پنجه – قلیچ عملیاتی گه باشله گندی.