غزه ده یانغین عاقبتیده کوپلب کیشی حیاتی نی یوقاتدی

غزه نینگ شمالیده گی جبالیه مهاجر لر کمپی ده بیر بنا ده یوز بیرگن بانغین حادثه سی عاقبتیده 21 کیشی حیاتی نی یوقاتدی. 

فلسطین ایچکی ایش لر وزیرلیگی یازمه بیاناتیده جبالیه مهاجر لر کمپی ده بیر بنا ده یانغین حادثه سی نینگ یوز بیرگن لیگی نی بیلدیردی.

ملکی مدافعه اداره سی تامانیدن بیریلگن بیاناتده ایسه, اوشبو حادثه عاقبتیده آره سیده عیال لر و باله لرنینگ هم بولگن 21 کیشی نینگ حیاتی نی یوقاتگن لیگی معلوم قیلیندی. 

حادثه عاقبتیده یره لنگن کیشی لرنینگ سانی حقیده ایسه معلومات بیریلمه دی. 

اوشبو یانغین گه بنا نینگ ایچیده توپلنگن پطرول نینگ سبب بولگن لیگی و حادثه بیلن علاقه لی تیرگاو باشله تیلگن لیگی معلوم قیلیندی. 

تورکیه, غزه ده گی اوشبو حادثه عاقبتیده کوپلب کیشی نینگ حیاتی نی یوقاتگن لیگی سببلی قیغوداشلیک پیامی ترقه تدی. 

تورکیه جمهوریتی تشقی ایش لر وزیرلیگی تامانیدن بیریلگن بیاناتده, "حیاتی نی یوقاتگن لر گه الله دن رحمت تیلرایکن, عایله لری بیلن قرداش فلسطین خلقی و فلسطین دولتی گه قیغوداشلیک بیلدیریب, یره لنگن لر گه عاجل شفا تیلب قاله میز" دییه قید ایتیلدی.