اسرائیل غزه نی بمباران قیلدی
اوشبو مطلب نی اسرائیل اردوسی بیلدیردی
اسرائیل اردوسی, غزه نواریده گی حماس جنبشی نینگ قوراللی بولیمی دن عبارت عزالدین القسام لوا لری گه عاید مرکز نی اورگن لیگی نی معلوم قیلدی.
اسرائیل اردوسی تامانیدن بیریلگن یازمه بیاناتده, "اوروش اوچاق لری بو کیچه غزه نواریده گی بیر نیچه هدف نی و حماس گه عاید اوروش موادی تولید ایتیلیاگن بیر مرکز نی بمباران قیلدی" دییه قید ایتیلدی.
بیاناتده, اوشبو هجوم نینگ غزه دن آتیلگن راکت گه جواب قیتیریش اوچون اویوشتیریلگن لیگی بیلدیریلدی.
عینی دمده بیاناتده, غزه دن آتیلگن مذکور راکت نینگ اسرائیل نینگ تیمیر گنبد تیزیمD تامانیدن تاثیرسیز وضعیت گه کیتیریلگن لیگی معلوم قیلیندی.
عزالدین القسام لوا لری هم غزه نی بمباران قیلگن اسرائیل اوروش اوچاق لری گه راکت بیلن جواب قیتریلگن لیگی نی بیلدیردی.
عینی دمده, افراطی یهودی ناقل لر, اسرائیل پولیسی حمایه سی آستیده مسجدالاقصی گه باستیریب کیردی.
یهودی لر باستیریب کیرمسدن آلدین اسرائیل پولیسی بوگون ایرته لب عبادت قیلیاتگن فلسطین لیک لر نی مسجدالاقصی دن چیقیش گه مجبور قیلدی.
افراطی یهودی لر, 15- اپریل ده باشله گن و بیر هفته دوام ایته دیگن پسح بیره می سببلی اسرائیل پولیسی نینگ حمایه سیده مسجدالاقصی گه باستیریب کیرماقده.
اسرائیل پولیسی فلسطین لیک یاش ایرکک لرنینگ مسجدالاقصی گه کیریشی گه اجازت بیرمه یدی.
