تورکیه قوراللی کوچلری تامانیدن عراق نینگ شمالی گه حربی عملیات اویوشتیریلدی

تورکیه قوراللی کوچلری تامانیدن عراق نینگ شمالیده متینا، زپ و اواشین – باسیان منطقه لریده گی تروریستلرنینگ آدرسلریگه قره ته ییردن و هوادن پنجه -کلید حربی عملیاتی اویوشتیریلدی.

عملیات حقیده تورکیه جمهوریتی ملی مدافعه وزیری خلوصی آقر معلومات بیردی.

"عراق نینگ شمالیدن خلقیمیزگه و خوفسیزلیک کوچلریمیزگه قره ته بولگن تروریستیک هجوملرینی برطرف ایتیش و چیگره خوفسیزلیگیمیزنی تامین ایتیش مقصدی بیلن تروریستلرنینگ آدرسلریگه قره ته قهرمان تورک قوراللی کوچلریمیز تامانیدن کیچه لب پنجه – کلید حربی عملیاتی باشله تیلگن دیر" دیب ایتدی.

حربی عملیات چوکاتیده ترور تشکیلاتلریگه عاید جایلرنینگ آتش آستیده توتیلگن لیگینی ایتدی.

آقر جنابلری "نتیجه ده 40 ییلدن بیری اولکه میزنینگ باشی گه بلا بولگن تروریزمدن اولکه میزنی قوتقریب آلیش گه قرارلی میز. سونگگی تروریست جنگری تاثیرسیز وضعیت گه کیلتیریلگونچگه قدر کوره شیمیز دوام ایته دی. محمدچیکلر تروریست جنگریلرنینگ ایلکه سیده دیر. ترور تشکیلاتی نینگ بیر چوکیشده ایکن لیگینی کورماقده میز. شونده ی بولیب برچه فعالیتلریمیز دوست و قرداش عراق نینگ حاکمیت حقلری و توپراق بوتونلیگی حرمت بیلن آلیب باریلماقده دیر. یگانه مقصدیمیزنینگ تروریست جنگریلر ایکن لیگینی تاکییدله ماقچی من. تینچ اهالی گه، اطراف گه، مدنی و دینی بنالرگه زیان ییتمس لیگی اوچون احتیاط قیلینماقده دیر"