اسرائیل ایران گه قرشی هجوم اویوشتیریش اوچون مخفی تطبیقات اوتکزگن
اوشبو مخفی تطبیقات نینگ تقریباً ایککی هفته آلدین اوتکزیلگن لیگی بیلدیریلدی
اسرائیل اردوسی نینگ ایران گه قرشی هجوم اویوشتیریش اوچون اونلب اوچاق نینگ اشتراکی بیلن مخفی بیر تطبیقات اوتکزگن لیگی انیقلندی.
اسرائیل دولت موسسه سیدن عبارت KAN نینگ بیرگن خبریگه کوره, اسرائیل نینگ امریکالیک حربی بیر مسئول نینگ هوا کوچ لری تعلیمی گه ناظر صفتیده اشتراک ایتیشی گه اجازت بیرگن لیگی و بیر قسمی ایران ده بولگن اوزاق منزللی هدف لر گه قره ته بیر هجوم اوچون تطبیقات اوتکزیلگن لیگی بیلدیریلدی.
تقریباً ایککی هفته آلدین اوتکزیلگن اوشبو تطبیقاتگه اونلب اوچاق نینگ اشتراک ایتگن لیگی بیلدیریلگن خبرده, خوددی شوو تطبیقاتده برچه سناریو لرنینگ کوزده توتیلگن لیگی معلوم قیلیندی.
خبرده, اوشبو تطبیقات نینگ, ایران نینگ هسته ای برنامه سی بیلن علاقه لی اتریش پایتختی ده بولیب اوتگن مذاکره لرنینگ سونگگی باسقیچی دایره سیده اوتکزیلگن لیگی بیلدیریلدی.
اسرائیل باش وزیری نفتالی بنت 1- فبروری ده بیرگن بیاناتیده, اولکه سی نینگ لایزر هوا مدافعه تیزیمی نینگ بیر ییل مابینیده فعال بوله دیگن لیگی نی بیلدیرگن ایدی.
بنت, "بیر راکت نینگ بیر نیچه دالرلیک برق جریانی بیلن آلدینی نینگ آلینیشی تقدیرده, ایران نینگ چیگره میزده گی خطر نی عملاً یوق قیله میز" دییه قید ایتگن ایدی.
ایران نینگ اوچووچیسیز اوچاق لری و راکت لری نی بیر تهدید اوله راق بهالنتیریاتگن اسرائیل, شوباعث, هوا مدافعه تیزیم لری نی کوچه یتیریش گه انتیلماقده.
