تورکیه بیلن مصر اورته سیده گی مذاکره لر بوییچه خرسندچیلیک بیلدیریلدی

اوروپا بیرلیگی کینگشی باشلیغی چارلز میشل, تورکیه بیلن مصر اورته سیده گی دیالوگ نی خرسندچیلیک بیلن کوتیب آلگن لیگی نی معلوم قیلدی.

میشل, تلفن آرقه لی, مصر جمهوررئیسی عبدالفتاح السیسی بیلن سوزله شدی. 

ایککی تامانلمه مناسبت لر و منطقه مقیاسیده گی مسئله لر باره سیده بحث ایتیلگن صحبتده, شرقی اورته ییر دینگیزیده خوفسیزلیک و برقرارلیک موضوعی نینگ هم بهالنتیریلگن لیگی بیلدیریلدی. 

اوروپا بیرلیگی کینگشی تامانیدن بیریلگن بیاناتده, "اوروپا بیرلیگی کینگشی باشلیغی میشل, شرقی اورته ییر دینگیزیده برقرارلیک و خوفسیزلیک نینگ اورنه تیلیشی نینگ اوروپا بیرلیگی نینگ منفعتی گه اویغون ایکن لیگی نی بیلدیررایکن, مصر بیلن تورکیه اورته سیده گی موجود مذاکره لرنی خرسندچیلیک بیلن کوتیب آلدی" دییه قید ایتیلدی.

میشل بیلن السیسی نینگ اورته شرقده تینچلیک پروسه سی باره سیده هم بحث ایترایکن, میشل نینگ اسرائیل بیلن حماس اورته سیده تامین ایتیلگن آتشکیسین اوچون مصر گه منتدارچیلیک بیلدیرگن لیگی معلوم قیلیندی. 

میشل بیلن السیسی لیبیاده تینچلیک و بیرلیک نینگ اورنه تیلیشی نینگ اوروپا بیرلیگی و مصر نینگ منفعتی گه اویغون ایکن لیگی نی معلوم قیلرایکن, ملی بیرلیک حکومتی نینگ قوللب قوتله نیشی نینگ اهمیتی گه دقت قره تدی.