تورکیه قوراللی کوچلری تامانیدن سوریه و عراقده حربی عملیات اویوشتیریلدی

سوریه ده تینچلیک بولاغی منطقه سیده بولووچی ترور تشکیلاتی پی کاکا/وای پی جی منسوبی 6 ته تروریست جنگری تاثیرسیز وضعیت گه کیلتیریلدی.

تورکیه جمهوریتی ملی مدافعه وزیرلیگی تامانیدن تویتر آرقه لی بیریلگن بیاناتده کوماندولر تامانیدن تینچلیک بولاغی منطقه سیده یوتوقلی بیر حربی عملیات اویوشتیریلگن لیگی بیلدیریلدی.

بیاناتده برقرارلیک و خوفسیزلیک فضاسینی بوزیب تشلش اوچون هجوم اویوشتیرماقچی بولگن ترور تشکیلاتی پی کاکا/وای پی جی منسوبی 6 ته تروریست جنگری نینگ تاثیرسیز وضعیت گه کیلتیریلگن لیگی قید ایتیلدی.  

باشقه تاماندن عراق نینگ شمالیده جایلشگن زاب و اواشین منطقه سیده بولووچی ترور تشکیلاتی پی کاکا اعضاسی 5 نفر تروریست جنگری هوا عملیاتی آرقه لی یوق قیلیندی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, تروریستلرگه یول بیریلمس لیگی تاکییدلندی.

"عراق نینگ شمالیده جایلشگن زاب و اواشین منطقه لریده کشف و کوزه توو واسطه لری آرقه لی تثبیت ایتیلگن 5 نفر تروریست جنگری هوا عملیاتی آرقه لی یوق قیلیندی" دییلدی. 

بیاناتده, "بیرته تروریست قالگونچگه قدر عملیات لریمیز قرارلی لیک بیلن دوام ایته دی" دییه قید ایتیلدی.