تورکیه نینگ عراق نینگ شمالیده جایلشگن ترورچی لر گه قرشی قوریقلیکده گی عملیاتی باشله دی
اوشبو مطلب نی تورکیه جمهوریتی ملی مدافعه وزیرلیگی بیلدیردی
تورکیه جمهوریتی ملی مدافعه وزیرلیگی اوشبو اولکه نینگ عراق نینگ شمالیده جایلشگن تروریزم اویه لری گه قرشی قوریقلیکده گی عملیاتی نی باشلتگن لیگی نی معلوم قیلدی.
وزیرلیک تامانیدن بیریلگن بیاناتده, "پنجه- قاپلان عملیاتی باشله دی. قهرمان کوماندو لری میز حفتنین ده. هوا کوچ لری, قوراللی و قورالسیز اوچووچیسیز اوچاق لردن فایده له نیلگن حالتده کوماندو لری میز منطقه گه دیسانت ایتیلدی" دییه قید ایتیلدی.
وزیرلیک, اوشبو عملیات نینگ, پوسته لر و حربی مرکز لر گه هجوم اویوشتیریش گه انتیلیاتگن ترور تشکیلاتی پی کاکا گه منسوب ترورچی لر و باشقه تروریست لر گه قرشی, خلق ارا حقوق چوکاتیده مشروع مدافعه حق لری دایره سیده اویوشتیریلگن لیگی نی بیلدیردی.
تورکیه, اوتکن کونی, عراق نینگ شمالیده جایلشگن و تورکیه نینگ چیگره لری جهتی دن اونلب ییل دن بیری تهدید تشکیل ایتیاتگن بولووچی ترور تشکیلاتی پی کا کا هدف لری گه قرشی پنجه- بورگیت هوا عملیاتی نی باشلتگن ایدی.