سوریه ده تروریستیک هجومی اویوشتیرماقچی بولگن بیر کیشی تورک حربیلری تامانیدن قولگه آلیندی

سوریه نینگ تل ابیض تومنیده تینچ اهالی گه تروریستیک هجومی اویوشتیرماقچی بولگن تروریست قولگه آلیندی.

ملی مدافعه وزیرلیگی تامانیدن بیریلگن بیاناتده، ترور تشکیلاتی پی کاکا/وای پی جی منسوبی تروریست نینگ معصوم تینچ اهالی نی آماج قرار بیریب تروریستیک هجومی اوچون تیارگرلیک کورگن لیگی بیلدیریلدی.

بیاناتده،

"تل ابیض ده منفجره مواد اورنه تیلگن موترسایکل آرقه لی تینچ اهالی نی آماج قرار بیریب تروریستیک هجومی اویوشتیریش اوچون تیارگرلیک کورگن پی کاکا/وای پی جی منسوبی تروریست کوماندولریمیز تامانیدن یره لی اوله راق قولگه آلیندی" دیب ایتیلگن.