تورکیه ملی مدافعه وزیری نینگ باشچیلیگیده گی بیر هیات سوریه چیگره سیگه باردی

ملی مدافعه وزیری خلوصی آقر، تورک قوراللی کوچلری نینگ قومنده گروهی بیلن قوشیلیب سوریه چیگره سیگه باردی.

جمهور باشلیغی رجب طیب ایردوغان نینگ اوکراین سفری چوکاتیده اورین آلگن آقر جنابلری، سوریه ده بشارالاسد تیزیمی تامانیدن ادلب گه اویوشتیریلگن هجوم نینگ آرتیدن هیاتدن اجره لیب انقره گه قیتیب کیلدی.

آقر بیلن بیرگه لیکده قوراللی کوچلر قومندانی جنرال یشر گولر و ایریم قومندانلر بیلن قرارگاهده بولیب اوتگن حربی جلسه نینگ آرتیدن سوریه چیگره سیگه قره ب جونه دی.

ادلبده بشارالاسد رژیمی تامانیدن اوریلگن توپ آتیشلری عاقبتیده 4 عسکر شهید بولرکن بیرته سی آغیر 9 عسکر یره لنگن ایدی.

ملی مدافعه وزیرلیگی تامانیدن بیریلگن بیاناتده، ادلبده بشارالاسد تیزیم تامانیدن عملگه آشیریلگن هجوم عاقبتیده یره لنگن بیر عسکر بیلن بیر ملکی پرسونل نینگ شهید بولگن لیگی بیلدیریلگندی. شونده ی بولیب شهید سانی 6 کیشی گه ییتگندی.