تورکیه امریکا نینگ پلانی گه قرشی قتتیق عکس العمل کورستدی

تورکیه, امریکا قوشمه ایالتلری نینگ, فلسطین – اسرائیل مسئله سی گه ییچیم یولی تاپیش ادعا سی بیلن تیارله گن سوزده (به اصطلاح) تینچلیک پلانی نینگ تطبیق ایتیلیشی نینگ هیچ بیر شکلده ممکن ایمس لیگی نی بیلدیردی. 

تورکیه جمهوریتی تشقی ایش لر وزیرلیگی تامانیدن بیریلگن یازمه بیاناتده, "اوشبو پلان, ایککی دولت لیک ییچیم یولی نی یوق قیلیش و فلسطین توپراق لری نی غصب ایتیش پلانی دن عبارت.  فلسطین خلقی و توپراق لری نینگ ساتیب آلینیشی ممکن ایمس" دییه قید ایتیلدی. 

بیت المقدس نینگ, تورکیه نینگ وازکیچیشی ممکن بولگن بیر مسئله دن عبارت ایمس لیگی بیلدیریلگن بیاناتده, "اسرائیل نینگ اشغال و ظلم لری نی مشروع لشتیریش بوییچه تشبث لر گه اجازت بیرمیمیز. قرداش فلسطین خلقی نینگ یانیده بوله میز.  فلسطین توپراق لریده مستقل بیر فلسطین بوییچه فعالیت لری میز نی دوام ایتتیره میز.  فلسطین تامانیدن قبول قیلینمیدیگن هیچ بیر پلان نی حمایت قیلمیمیز.  اشغال سیاست لری نینگ اداققه ییتمسدن اورته شرق ده تینچ لیک نینگ اورنه تیلیشی ممکن ایمس" دییه قید ایتیلدی. 

امریکا قوشمه ایالت لری دولت رهبری دونالد ترامپ, توناون سوزده اورته شرق تینچ لیک پلانی نی اعلان قیلرایکن, بیت المقدس نینگ اسرائیل پایتختی اوله راق قبول ایتیله دیگن لیگی و اوشبو پلان نینگ فلسطین لیک لر اوچون سونگگی چانس ایکن لیگی نی معلوم قیلگن ایدی.