چاووش اوغلی بارزانی بیلن اوچره شدی

تورکیه جمهوریتی تشقی ایش لر وزیری مولود چاووش اوغلی, سویس نینگ داووس قصبه سیده بولیب اوتگن 50 نچی دنیا اقتصادی ییغیلیشی ده, عراق نینگ شمالی ده گی محللی رهبریت نینگ باشلیغی نچیروان بارزانی بیلن اوچره شدی. 

چاووش اوغلی, مطبوعات گه یاپیق بولیب اوتگن اوچره شووده, تورکیه نینگ, امریکا قوشمه ایالت لری بیلن ایران اورته سیده گی بحران آرتیدن عراق بیلن بیر یقه دن باش چیقارگن لیگی و بحران نینگ ییچیلیشی اوچون سعی و حرکت قیلگن لیک لری نی بیلدیردی. 

قیین وضعیتده عراق نینگ بیرلیگی نینگ قورینیشی نینگ اهمیتی گه دقت قره تگن چاووش اوغلی, عراق ده گی برچه عنصر لرنینگ عراق نینگ اتحادی اوچون سعی و حرکت قیلیشی کیره ک ایکن لیگی نی معلوم قیلدی. 

مولود چاووش اوغلی, عراق ده مذهبی و اتنیکی تفرقه نینگ خطری گه هم دقت قره ترایکن, "عراق نینگ شمالی ده گی محللی رهبریت بیلن بولگن مناسبت لری میز نی کینگیتیره میز" دییه قید ایتدی. 

تورکیه نینگ, عراق ده گی معما لرنینگ ییچیلیب اوشبو اولکه ده تینچ لیک نینگ زود لیک بیلن اورنه تیلیشی اوچون قولیدن کیلیاتگن برچه سعی و حرکت نی قیلیاتگن لیگی نی بیلدیرگن چاووش اوغلی, اوشبو دایره ده کیره کلی تامان لر گه فکر لری نی بیلدیرگن لیک لری نی معلوم قیلدی.