ایران امریکا نینگ حربی مرکز لری نی بالستیک راکت بیلن اوردی

ایران انقلاب محافظ لری اردوسی, امریکا قوشمه ایالتلری نینگ عراق نینگ اربیل و انبار شهر لریده گی حربی مرکز لری نی بالستیک راکت بیلن اوردی. 

ایران دولت تلویزیونی, 15 راکت آتیلگن لیگی و اوشبو حادثه نتیجه سیده 80 نفر امریکالیک نینگ اولگن لیگی نی بیلدیردی. 

ایران نینگ یریم رسمی فارس خبر آژانسی هم اوشبو حادثه بیلن علاقه لی تصویر لر ترقتدی. 

انقلاب محافظ لری اردوسی تامانیدن بیریلگن یازمه بیاناتده, جمعه کونی امریکا نینگ هوایی هجومی نتیجه سیده اولدیریلگن ایران لیک جنرال قاسم سلیمانی نینگ انتقامی دایره سیده, امریکا قوشمه ایالتلری نینگ عراق ده گی عین الاسد هوا قونلغه سی گه اونلب راکت آتیلگن لیگی بیلدیریلدی. 

بیاناتده, امریکا نینگ آتیلگن اوشبو راکت لر گه جواب قیتریشی تقدیرده, جوده هم قتتیق جواب قیتریله دیگن لیگی معلوم قیلیندی.

منطقه ده امریکا قوشمه ایالت لری حربی مرکز لری بولگن اولکه لرنینگ هم آگاهلنتیریلگن بیاناتده, "ایران گه قرشی حمله لر گه جواب قیتریله دی.  اوشبو جرم بوییچه صهیونیست رژیم هم امریکا بیلن همکار" دییه قید ایتیلدی. 

بیاناتده, امریکا خلقی ایسه, منطقه ده گی عسکر لری گه بوندن آرتیق ضرر بیریلمس لیگی اوچون عسکر لرنی اوز اولکه لری گه قیتیش لری نی طلب ایتیش گه دعوت ایتیلدی. 

ایران رهبریتی, امریکا نینگ عراق ده گی حربی مرکز لری نی اوریشی آرتیدن بیرلشگن ملت لر تشکیلاتی خوفسیزلیک کینگشی و بیرلشگن ملت تشکیلاتی عمومی منشی سی انتونیو گوترش گه یوبارگن مکتوبی ده, اوروش گه طرفدار ایمس لیگی نی بیلدیردی. 

مکتوب ده, "اوروش گه طرفدار ایمس میز. لیکن بیز گه قرشی هر قنده ی بیر نظامی حمله بوییچه آگاهلنتیره میز" دییه قید ایتیلدی. 

امریکا قوشمه ایالتلری مدافعه وزیرلیگی (پنتاگون) ایسه, ایران نینگ, عراق ده گی الاسد و اربیل حربی مرکز لری گه 12 دن آرتیق بالستیک راکت آتگن لیگی نی بیلدیررایکن, اوشبو حادثه نینگ قنده ی ضرر لرگه سبب بولگن لیگی نی حسابلش گه حرکت قیلیاتگن لیک لری نی معلوم قیلدی.

پنتاگون سوزچیسی هافمن, ایران نینگ احتمالی حمله لری گه قرشی تدبیرلی ایکن لیک لری نی معلوم قیلرایکن, خوددی شوو ایککی حربی مرکز نینگ هم هجوم بوییچه تخمین لر باعث تیار وضعیتده بولگن لیگی نی بیلدیردی. 

آق اوی سوزچی سی ستیفنی گریشام اوشبو حادثه بوییچه امریکا قوشمه ایالت لری دولت رهبری دونالد ترامپ گه معلومات بیریلگن لیگی نی بیلدیررایکن, ینگی لیک لر نی تعقیب ایتیاتگن لیک لری نی معلوم قیلدی.