ایردوغان، تورک-قطر مشترک قوشمه کوچ قومندانلیگی گه باریب صحبت عملگه آشیردی
تورک حربی لری نینگ اوجایده بولیشی نینگ اورته شرق اوچون کتته اهمیت گه ایگه ایکن لیگینی قید ایتدی.
جمهور باشلیغی رجب طیب ایردوغان، تورک-قطر مشترک قوشمه کوچ قومندانلیگی بیلن تیگیشلی،
"هیچ کیم اولکه میزنینگ بو جغرافیه ده بولیشیدن راحتسیز بولمس لیگی کیره ک" دیدی.
ایردوغان رسمی سفر آرقه لی بارگن قطرده، تورک - قطر مشترک قوشمه کوچی قومندانلیگی طارق بن زیاد قیشله سینی باریب کوردی.
جمهور باشلیغی ایردوغان بو جایده قیلگن اوز صحبتیده، حدود ایچیده و تشقریسیده تورکیه نینگ بقاسی، ملت نینگ خوفسیزلیگی، دوست و قرینداش اولکه لرنینگ تینچلیک و بردملیگی اوچون فداکارانه اورونیب تورگن امنیتی کوچلرگه الله دن موفقیتلر سوره دی.
"سیز بوجایده 2 مینگ 200 ییل لیک اوتمیشی بیلن دنیانینگ اینگ قدیم اردولریدن بولمیش تورک قوراللی کوچلری نینگ شرفلی منسوبی سیزلر. هر بیرینگیز عین دمده تورک ملتی نینگ نماینده سی بولیب بو توپراقلرده سیز. تورکیه جمهور باشلیغی و باش قومندان اوله راق همه نگیزنی کوزلرینگیزدن اوپه من" دیب گپیردی.
ایردوغان جنابلری، قطر بیلن عسکری، امنیتی، خوفسیزلیک و مدافعه صنایعسی ساحه سیده آلیب باریلگن پروزه لرنینگ اوز ارا مناسبتلرنینگ اساسینی تشکیل ایتگن لیگینی معلوم قیلدی. "قطرنینگ خوفسیزلیگی گه اولکه میزنینگ خوفسیزلیگی کبی اهمیت بیره میز. سیز قطرنینگ عسکری ارگانلری نینگ مودرنلشتیریلیشی، حربی تعلیم و تربیه ساحه سیده همکارلیک نینگ آلغه باریشی حربی سینش، تعلیم و تربیه آرقه لی بولرنینگ قابلیت لرینی کوچلنتیریش اوچون بو جایده سیزلر. سیز موجودیتینگیز بیلن 2017 ییلی باشلنگن اورته شرق بحرانیدن کیین قطرلیک قرینداشلریمیزنینگ تینچ لیک و بردم لیگینی تامین ایتووچی بولدینگیز.
جمهور باشلیغی ایردوغان، تاریخ نینگ هیچ بیر دوریده دوستلرینی تهدید و خطرلرگه قرشی یالغیز قویمه گنلیکلرینی و یالغیز قویمسلیکلرینی معلوم قیلیب "تورکیه اوله راق قدیمدن مناسبتیمیز بولگن کورفز منطقه سی نینگ تینچلیک، بردملیک و خوفسیزلیگی گه انچه اهمیت بیرماقده میز. بو منطقه نینگ بردم لیگی نینگ برچه منطقه نینگ تینچلیک و بردم لیگی اوچون کتته اهمیت گه ایگه ایکن لیگینی بیله میز. شونده ی بولیب سیزنینگ موجودیتینگیز نه فقط قطر اوچون ، برچه کورفز منطقه سی نینگ تینچ لیک و بردم لیگی اوچون دیر. هیچ کیم اولکه میزنینگ بو جغرافیه ده گی موجودیتیدن راحتسیز بولمس لیگی کیره ک" دیدی.
کیین ایردوغان قطردن جونب تورکیه گه قیتیب کیلدی.
