سعودی عربستان باشچیلیگیده گی ائتلاف کوچلری بیر پیلوتسیز هوا واسطه سینی اوروب توشیرگنینی بیلدیردی

سعودی عربستان باشچیلیگیده گی ائتلاف کوچلری، یمنده گی حوثی لرنینگ بیر پیلوتسیز هوا واسطه سینی اوروب توشیرگن لیکلرینی بیلدیردی.

سعودی عربستان نینگ رسمی خبر آژانسی بولمیش SPA خبر بیریشیچه، ائتلاف کوچلری سوزچیسی تورکی المالکی تامانیدن بیریلگن یازمه بیاناتده، یمن نینگ پایتختی صناء نینگ شمالیده جایلشگن امران شهریدن پرواز قیلگن حوهی لرنینگ پیلوتسیز هوا واسطه سی نینگ اوروب توشیریلگن لیگی معلوم قیلینگن.

حوثی لر قولدن بیرگن تجیزات و تلفات باعث بو کبی هجوملرگه قول اورگن لیگینی افاده ایتگن مالکی بونگه قرشی چاره-تدبیرنینگ آلینگن لیگینی قید ایتدی.

باشقه تاماندن حوثی لر سعودی عربستان نینگ جنوب – غرب تامانیده جایلشگن نجران قونلغه سیگه بالستیک راکت اورگن لیکلرینی بیلدیردی.

ایران نینگ حمایه سیده گی حوثی لرنینگ عسکری سوزلاوچیسی یحیا سری بیرگن یازمه بیاناتیده، نجران قونلغه سیده گی عسکری آدرس بیلن بیر قطارده ایریم عسکری مرکزلرگه بالستیک راکت اورگن لیکلرینی خبر بیردی.

ائتلاف کوچلریدن موضوع بیلن تیگیشلی بیانات بیریلمه دی.