سوریه ده بشارالاسد کوچلری، تورکیه قوراللی کوچلری نینگ تعقیب مرکزیگه قره ته اوق اوردی

سوریه ده بشارالاسد کوچلری، تورکیه قوراللی کوچلری نینگ 8 نمبر تعقیب مرکزیگه قره ته فیر قیلدی.

رژیم نینگ حربی اوچاقلری تامانیدن، ادلب نینگ جنوب – شرق تامانیده گی معرة النعمان تومنیده جایلشگن 8- نمبر تعقیب مرکزی نینگ یقینی گه سقیله ماشیندار قورال آرقه لی فیر قیلگن.

اوشبو مرکز بشارالاسد کوچلری تامانیدن توناون کونی قمره ب آلینگن خان شیخون تومنی نینگ شمالیده اورین آلماقده.

رژیم، سونگی 10 کوندن بیری روسیه و ایران نینگ حمایه سیده گی خارجی تروریست گروه لرنینگ یاردمی آرقه لی ادلب نینگ جنوبیده ایلگریلب بارماقده.

بو منطقه دن 2018 – ییلی 17 سپتامبرده قول قوییلگن ادلب کیلیشوویدن بوگونگچه قریب 1 میلیون کیشی تینچ اهالی سوریه دن تورکیه گه اوتگن.

مسؤللر بو هجوملرنینگ مرة النعمان و سراکب تومنلریگه ییره کن تقدیرده کوچ قیلگنلر سانی نینگ 1،5 میلیون یکیشی ییتیب باره جگینی ایته دیلر.

بشارالاسد کوچلری، 19 اگستده  – تعقیب مرکزی گه انتقال جریانیده تورکیه قوراللی کوچلری نینگ قطاری گه هوا هجومی اویوشتیررکن 3 کیشی تینچ اهالی اولیب 12 کیشی یره لنگن ایدی.